Баъзе афрод ба ин одат доранд ки вақте миёни ду нафар ва ё ду гуруҳ ихтилоф ва низое мавҷуд бошад, онҳо бо ҳар як аз он ду, мулоқот карда алайҳи шахси дигарӣ суҳбат мекунанд. ҳамчунин баъзе аз афрод вақте бо касе мулоқот кунанд, изҳори муҳаббат ва иродат бо у мекунанд ва чун дар ғайёби у ҳастанд, айб ва бадиҳои уро баён мекунанд. ба чунин афроде ((дуру)) ва ба забони арабӣ ((ذوالوجهین)) мегуянд ва зоҳир аст ки ин тарзи амал, навъе нифоқ ва ҳиллабозӣ аст. ва Расули Акрам саллаллоҳу алайҳи ва саллам мусалмононро шадидан аз он, барҳазар доштанд ва фармуданд ки ((ин амал гуноҳ ва ҷурми сангин аст ва чунин афродеро дар сахттарин азоб шиканҷа медиҳанд.)).
Аз Ҳазрати Абуҳурайра разияллоҳу анҳу ривоят шуда аст ки Расули Акрам саллаллоҳу алайҳи ва саллам фармуданд: "" Дар рузи қиёмат бадтарин афрод касоне хоҳанд буд ки, вақте ба назди баъзе мераванд, ба навъе дигар суҳбат мекунанд.)) (яъне дуруӣ ва дурангиро ихтиёр мекунанд) [ривояти Бухорӣ ва Муслим]
шарҳ:
дар рузи қиёмат чунин касоне дар чӣ ҳоле ва вазъе қарор мегиранд, тафсили он аз ҳадиси баъдӣ маълум мешавад
Аз Ҳазрати Аммор ибни Ёсир разияллоҳу анҳу ривоят шуда аст ки Расули Акрам саллаллоҳу алайҳи ва саллам фармуданд:
((Ҳар касе ки дар дунё дуруя ва дуранга бошад (ва монанди мунофиқон бо афроди мухталиф суҳбатҳои мухталифе бикунад) дар рузи қиёмат дар даҳонаш ду забони оташин хоҳад буд.)) [ривояти Абудовуд]
шарҳ:
Одот ва ахлоқи хубе ки дар охират, бар онҳо ваъдаи савоб ва подош дода шуда мухталифанд ва рутбаи онҳо низ мутафовут аст. низ маротиб ва дараҷоти одот ва ахлоқи бад ки ваъдаи кайфар ва азоб бар онҳо дода шуда мухталиф ва мутафовут аст. Худованди мутаъол ҳасби илм ва ҳикмати Хеш, барои ҳар некӣ ва ё бадӣ, подош ва кайфари муносиб бо он, муқаррар фармудааст. пас муҷозоти дурангӣ (ки як навъ нифоқ аст) ин таъйин шуда ки дар даҳони чунин афроде, рузи қиёмат ду забони оташин қарор дода хоҳад шуд. اللهم احفظنا. (баъзе аз ҳайвонот монанди мор низ ду забон доранд.)
Лозим ба ёдоварӣ аст ки баъзе аз аъмол ва ахлоқи бад дар воқеъ бисёр хатарнок буда ва ба назди Аллоҳ таъолӣ бе ниҳоят ҷурми онҳо сангин аст вале мо онҳоро маъмулӣ дониста ва дар фикри иҷтиноб ва дурӣ аз онҳо нестем. дар мавриди ин навъ гуноҳон ва бадиҳо, дар Қуръон иршод шудааст { تحسبونه هینا و هو عنداللّله عظیم} (шумо онро содда мепиндоштед ҳол он ки он ба назди Аллоҳ гуноҳ ва сухани бузурге аст, ин одоти дурангӣ низ аз ҳамин қабил аст. мо онро содда ва маъмулӣ мепиндорем ва дар фикри дурӣ аз он нестем. ҳол он ки аз ду ҳадиси мазкур ба вузуҳ собит шуд ки чӣ амали ваҳшатнок ва хатарноке аст ва дар охират чӣ азоби сахте бар он дода мешавад.
#ахлоқ
Присоединяйтесь к ОК, чтобы подписаться на группу и комментировать публикации.
Комментарии 1