ինչ կոչել այս սերը ))) Թռիչք)))

«Ի՞նչ կոչել այս սերը» հեռուստասերիալի գլխավոր հերոսի՝ Արնավի դերակատարը՝ Բարուն Սոբտին, պատասխանել է «Հրապարակ»-ի հարցերին։ -Հայաստանում դուք բավականին սիրված եք, երբեւէ եղե՞լ եք Հայսատանում։ Շնորհակալություն, գիտեմ, իմ երկրպագուները ինձ գրում են այդ մասին Հայաստանից: Ես չեմ եղել Հայաստանում, բայց եղել եմ Թուրքիայում։ -Ի՞նչ գիտեք Հայաստանի մասին։ Հայաստանում ես մի հին պատմական հուշարձան գիտեմ՝ Խոր Վիրապ։ -Պատրաստվո՞ւմ եք գալ Հայաստան, հրավե՞ր ունեք։ Չգիտեմ երբ, սակայն գալու եմ շուտով, երեւի այս տարի։ Ցանկանում եմ, որ որքան հնարավոր է շուտ գամ Հայաստան, քանի որ Հայաստանը հիանալի երկիր է: Իմ այցի կոնցեպտը կլինի հետեւյալը՝ հանդիպել եւ ողջունել իմ հայ երկրպագուների հետ: - Այլ երկրներից առաջարկ ստացե՞լ եք նկարահանվելու սերիալներում։ Այո։ Հրավերներ ունեմ Թուրքիայից, Ինդոնեզիայից, Քենիայից՝ Աֆրիկա։ -Դուք նաեւ մոդել եք, մոդելի կարիերան չի՞ տուժել դերասանությամբ զբաղվելու պատճառով։ Կյանքում պետք է հաղթահարենք մի քանի բան: Իմ կարիերան ներկայումս ձեւավորվում է: Առայժմ ես չեմ ուզում լինել մոդել, երեւի հետագայում կցանկանամ։ -Դուք Հայաստանում հայտնի եք «Ի՞նչ կոչել այս սերը» հեռուստասերիալից, իրականում Ձեր դերակատարի՝ Արնավի, հետ նմանությո՞ւն ունեք։ Սերիալային իմ հերոս Արնավի նմանություն չունենք, մենք տարբեր մարդիկ ենք։ -Տեսե՞լ եք հայկական ֆիլմեր, սերիալներ, ծանո՞թ եք հայ կինոարտադրությանը։ Ոչ, ես հայկական կինո կամ սերիալ չեմ նայել եւ չեմ կարող որեւէ բան ասել այդ մասին։ -«Բոլիվուդ»-ից հրավեր, առաջարկություն ստացե՞լ եք։ Այո, ես Բոլիվուդից հրավեր ունեմ եւ ես մեկ այլ ֆիլմում էլ եմ նկարահանվել, որը կոչվում է «Main aur Mr. Right»։ -Գիտե՞ք երգել, պարել, թե՞ ֆիլմերում ձեզ փոխարինում են։ Ոչ, ես վատ երգիչ եմ: Մեզ մոտ ասում են` լոգարանային երգիչ»: Ես չեմ կարողանում պարել, նույնիսկ չգիտեմ, թե ինչ բան է պարը։ -Հնդկաստանում բոլո՞րն են Ձեզ ճանաչում, որո՞նք են հայտնի լինելու բացասական, դրական կողմերը։ Այո, ես այստեղ էլ շատ ճանաչված եմ: Մարդիկ շատ սիրում են ինձ եւ նվերներ են փոխանցում իմ օգնականների կամ մենեջերի միջոցով, ուզում են հանդիպել ինձ հետ: Դրական բաները, որոնք իմ մտքում են՝ լինել հավասարակշռված և անձամբ կառավարել կյանքը, կայացնել կյանքիդ առնչվող ճիշտ որոշումներ։ Բացասական երևույթներն են՝ շատ չմտածել, ժամանակ առ ժամանակ հիմար որոշումներ չկայացնել։ Պետք է լինել ազատամիտ և քո կարիերան զգուշորեն կառավարես։ -Ձեր կինը ինչպե՞ս է վերաբերում բազմահազար երկրպագուհիներին։ Նա իմ կյանքի իմաստն է: Ոչ ոք չի կարող փոխարինել նրան: Նա իմ սերն է: Նա շատ լավ է հասկանում ինձ եւ չի խանդում ինձ կամ իմ կարիերային: - Իրական կյանքում դուք հնդկական ծեսերին, ավանդույթներին հետեւո՞ւմ եք, թե դա հիմնականում ֆիլմերում է արտացոլվում։ Այո, ես կատարում եմ մեր ավանդույթներն ու ծիսակատարությունները: Ավանդույթները պահելն ու ծիսակատարություններ անելը շատ կարեւոր է: Դրանք միայն ֆիլմերում չեն:

ինչ կոչել այս սերը ))) Թռիչք)))

ինչ կոչել այս սերը ))) Թռիչք)))

Присоединяйтесь — мы покажем вам много интересного