Սիրելի Վիրջիլ, այնտեղ, որտեղ դու այսօր գնացել ես առաջին անգամ, Ռոնալդուն եղել է հազար անգամ: Երբ դու տարիներ շարունակ հանդես էիր գալիս Անգլիայում, բայց գլխավերևումդ որևէ գավաթ չէիր պահել, Ռոնալդուն արդեն Պրիմեր լիգայի եռակի հաղթող էր, լավագույն խաղացող և ռմբարկու: Այդ պահին նա քեզանից անհամեմատ երիտասարդ էր (23 տարեկան): Այնուհետև նա տեղափոխվեց «Ռեալ» և դարձավ այդ ակումբի պատմության լավագույն ռմբարկուն: Քեզ հայտնի է չէ՞ Մադրիդի «Ռեալ» անունը, սիրելի Վիրջիլ։ Բնականաբար հայտնի է, այն ակումբի, որը հաղթեց Ձեզ Չեմպիոնների լիգայի եզրափակիչ խաղում: Նա արդեն ունի նմանատիպ հինգ գավաթ: Նա հաղթեց Ձեզ «Ազգերի գավաթի» եզրափակիչում:Սիրելի Վիրջիլ, մի խաղաշրջանի ընթացքում Ռոնալդուն այնքան տիտղոս նվաճեց, ինչքան դու ամբողջ կարիերայի ընթացքում: Հիացմունքի է արժանի չէ՞։ Երբ քո ձեռքում կլինեն նշանակալի գավաթներ, հնարավոր է, որ դու կկարողանաս նույն սեղանի շուրջ նստել Կրիշտիանոյի հետ: Ինձ համար նա միշտ կմնա լավագույնը: