Предыдущая публикация
Людзі і Брэст.
10 студзеня 1942, у весцы Люшнева, (цяпер Баранавіцкага раён, Брэсцкай вобласці) нарадзўся Вараб’ёў Анатоль Міхайлавіч — беларускі дзеяч самадзейнага мастацтва, балетмайстар. Народны артыст Беларусі. Ганаровы грамадзянін Брэста.
Сапраўднай справай усяго жыцця Анатоля Міхайлавіча стала работа з творчым калектывам ансамбля танца «Радасць» у Брэсце. Ансамбль быў створаны ў 1962 пры Брэсцкім ГДК (Брэст).
«Радасць» хутка стаў вядомы ва ўсёй Беларусі і за яе межамі. Заслужанаму калектыву Рэспублікі Беларусь апладзіравалі гледачы 35-ці краін свету. Калектыў быў узнагароджаны прэміяй Ленінскага камсамола Беларусі і Ленінскага камсамола.
А. М. Вараб’ёў быў рэжысёрам-пастаноўшчыкам канцэртных праграм на рэспубліканскім фестывалі-кірмашы «Дажынкі» ў Пружанах, абласных фестывалях-кірмашах «Дажынкі» ў Століне, Кобрыне, Драгічыне.
Ажыццяўляў харэаграфічныя пастаноўкі з выкарыстаннем беларускага танцавальнага фальклору: «Палескае вяселле», «Радасць працы», «Свята на Палессі», «Дажынкі», «Валёнкі», «Сувенір» і інш., падрыхтаваў больш за 20 канцэртных праграм.
Узнагароджаны ордэнамі Дружбы народаў, Францыска Скарыны і інш.
Следующая публикация
Нет комментариев