Предыдущая публикация
Палешукі Заходняй Беларусі.
Шыкін Васіль Кірылавіч – беларускі мастак.
Нарадзіўся 6 студзеня 1914, у вёсцы Царкоўнікі (з 1964 – в. Зарачаны Войскага сельсавета Камянецкага раёна Брэсцкай вобласці) у вялікай (шасцёра дзяцей) сялянскай сям’і.
З маленства марыў стаць мастаком. Задаткі да малявання разглядзеў бацька, аддаў хлопчыка на вучобу ў Брэст. Таленавітага вучня заўважылі, запрасілі займацца ў Варшаўскую мастацкую школу, але неўзабаве ён быў адлічаны.
Прызваны ў польскае войска, удзельнічаў у баявых дзеяннях на польска-германскім фронце.
У 1939 паступіў у Віцебскае мастацкае вучылішча.
Вайна застала ў роднай вёсцы, куды прыехаў на канікулы.
З 1944, прайшоў Польшчу, Германію.
З 1946, жыў і працаваў у Брэсце. Разам з Мікалаем Чурабай, Іванам Фяцісавым, Іванам Рудчыкам, Пятром Данелія быў заснавальнікам Брэсцкай абласной арганізацыі Беларускага саюза мастакоў і ўпаўнаважаным па Брэсцкай вобласці. Член БСМ. Быў старшынёй абласнога аддзялення БСМ.
Працаваў у станковым жывапісе ў жанрах карціны і пейзажа. Сярод твораў «Кобрынскі мост», «Лясная прагулка», «Бярозаўская ДРЭС», «На возеры. Лета», «Белавежская пушча», «Вячэрні Брэст» і інш.
Адным з самых цікавых з’яўляецца палатно «Заходняя Беларусь. 1939 год» (1955), якое захоўваецца ў Брэсцкім абласным краязнаўчым музеі.
Прапагандаваў творчасць землякоў, быў арганізатарам персанальных мастацкіх выстаў І. Д. Рудчыка, Э. С. Куфко і інш. У жыцці быў энергічным, добразычлівым і вельмі сціплым чалавекам. Апошнія гады, калі не стала жонкі, а сын з дачкою пакінулі межы Беларусі, побач з Васілём Кірылавічам да апошніх яго дзён была ўнучка.
Произведения находятся в музеях и картинных галереях Минска, Бреста, Пинска, в частных собраниях разных стран.
Памёр у Брэсце 23 лютага 1998 ( 84гады). Пахаваны на могілках “Плоска”.
Следующая публикация
Нет комментариев