Предыдущая публикация
Դուգլասին չի վախեցնում մրցակցությունը
Կատալոնական Բարսելոնայի 24-ամյա աջ պաշտպան Դուգլաս Պերեյրան ամենևին էլ չի վախենում Բարսելոնայի կազմում տիրող մրցակցությունից և պատրաստվում է անել ամեն ինչ` թիմի մեկնարկային կազմում հայտնվելու համար:
Դուգլասը կարծում է, որ մարզչի վստահությունը շահելու լավագույն միջոցը շատ աշխատելն ու մարզումների ժամանակ իրեն դրսևորելն է:
"Ես շատ ուրախ եմ: Միացել եմ մի թիմի, որին ցանկանում է միանալ աշխարհի ցանկացած ֆուտբոլիստ: Հույս ունեմ` հիասթափություն չեմ ապրի: Ես գիտեմ` ինչ է ինձ սպասվում և ես պատրաստ եմ դրան:
Դանի Ալվեսը և Մարտին Մոնտոյան հիանալի ֆուտբոլիստներ են, սակայն դա ինձ չի վախեցնում: Ցանկանում եմ իմ աշխատանքով մարզիչին մտածելու առիթ տալ մեկնարկային կազմն ընտրելու ժամանակ", - ասել է Պերեյրան:
Շատերը կարծում են, որ Դուգլասի խաղային որակները չեն համապատասխանում Բարսելոնային և Կատալոնիայի մայրաքաղաքը ներկայացնող ակումբի կողմից սխալ որոշում էր Դուգլասի հետ պայմանագիր կնքելը: Այս մասին խոսել է անձամբ ինքը` Դուգլասը:
"Միակ բանը, որ կարող եմ անել ես, դա իմ աշխատանքի և խաղի միջոցով մարդկանց կարծիքը փոխելն է: Բնական է, որ շատերը չեն վստահում ինձ, սակայն կարծում եմ, որ ամեն ինչ լավ ընթացք կունենա", - ասել է 24-ամյա բրազիլացին:
Բարսելոնայի նորեկը նաև վստահեցրել է, որ մեկնարկած մրցաշրջանում նա հանդես կգա Բարսելոնայի կազմում և վարձավճարով չի հեռանա այլ ակումբ:
"Ես վարձավճարով չեմ տեղափոխվի այլ ակումբ: Կմնամ Բարսայում և կշարունակեմ մրցելույթներս հենց այդ թիմում", - ասել է Դուգլասը:
Следующая публикация
Нет комментариев