Предыдущая публикация
Ադրիանոն ստացել է խաղալու թույլտվություն
Բրազիլացի ֆուտբոլիստը հուլիսի 16-ից բուժվում էր սրտի զարկերի ռիթմի խանգարումից: Այսօր Ադրիանոն ողջ մարզումն անցկացրել է ընդհանուր խմբում, իսկ Տեր Շտեգենը, Վերմալենը և Նեյմարը մարզվել են անհատական ծրագրով:
Վիլյառեալի հետ խաղում Ադրիանո Կորրեյան վերջապես կլինի Լուիս Էնրիկեի տրամադրության տակ: Այսօր կայացած մարզումից հետո Ադրիանոն Բարսայի բժշկական շտաբի կողմից ստացել է խաղալու թույլտվություն և լիովին պատրաստ է օգոստոսի 31-ին կայանալիք խաղին: Հիշեցնենք, որ Կորրեյան հուլիսի 16-ից բուժվում էր սրտի զարկերի ռիթմի խանգարումից:
Շուրջ 1 ամիս Ադրիանոն մարզվում էր խոտածածկին` կատարելով անհատական վարժություններ, իսկ վերջին շաբաթների ընթացքում բրազիլացին մարզումների որոշ մասն անցկացնում էր ընդհանուր խմբում:
Այսօր կայացած մարզմանը Բարսելոնա Բ-ից միացել են Մունիրը, Սանդրոն և Սամպերը:
Վնասվածքներ ունեցող մյուս ֆուտբոլիստները` Նեյմարը, Տեր Շտեգենը և Վերմալենը, մարզվել են խոտածածկին` անհատական ծրագրով:
Следующая публикация
Нет комментариев