Предыдущая публикация
Այսօրն էլ կանցնի, ինչպես կյանքի մնացած բոլոր օրերը: Կփակենք այսօրվա էջն ու կտեղավորենք հիշողությունների գրքի անհետ մնացած էջերին, չհասկանալով , որ ամենաարժեքավոր պահերը հենց այսօրվա տողերում պետք է գրեինք: Վաղվան կթողնես ցանկություններդ, վաղը կկառուցես երազանքներդ վաղը կսպասես հարմար առիթի, որ գրկես, վաղվան կթողնես կիսատ սերդ ու վաղվան կվստահես այսօրվա ճակատագիրդ: Ու այդպես մի ամբողջ կյանք տանուլ կտանք վաղվան:
Այսօրն էլ կանցնի, ինչպես կյանքում ապրած բոլոր այսօրները: Մենք մեր ապրելիք կյանքը կորոնենք ուրիշների` մտքերում, խոսքերում, սրտերում, աչքերում, կարծիքներում, իրավիճակներիմ և որ ամենաանհետհեթն է` ճակատագրի հարվածներում, այդպես էլ մի ամբողջ կյանքի հավերժություն կթողնենք այդ ակնթարթային վաղվա ձեռքերում, չտեսնելով, որ այն ամեն պահի գտնվում էր մեր ձեռքում:
Այսօրն էլ կանցնի, ինչպես բոլոր հերթական այսօրները, պարզապես փորձենք այսօր սիրել, այսօր ապրել, այսօր հասնել, այսօր պայքարել ու այսօր տրվել այսօրվան ողջ էությամբ:
Следующая публикация
Нет комментариев