Մի օր դու կհասկանաս բառերի դատարկությունն ու կսկսես լռել, կսկսես լռել, որ չցավեցնես ոչ մեկին: Մի օր դու կհասկանաս չասված խոսքերի թանկությունն ու կսկսես չնկատել հնչած բոլոր էժան արտահայտությունները : Դու կհասկանաս, որ խոսքով հնարավոր է մարդուն սպանել, այդ պահից սկսած կփորձես վար դնել մարդասպանի զենքերը: Կսովորես բազմաթիվ խոսքերից ընտրել հատուկ բառերն ու սկսել ապրեցնել դիմացիններիդ:

Դու կսովորես մի բառով լուսավորել մարդու հոգին և լռության մեջ լսել ցավերը:
Մի օր դու կհասկանաս գոռգոռոցների անմտությունն ու կսովորես լռության հետ խաղաղության դաշինք կնքել:
Դու կհավատաս, որ խոսքը հրդեհից ուժեղ է բռնկվում մարդու հոգում և այնտեղ գտնվող բոլոր հույզերը մոխրի վերածում և կսովորես աղոթքով քանդված ներաշխարհներ կառուցել:
Դու կսկսես լռել ճիշտ ժամանակին և բառերիդ կարևորությունը հասկանալ սխալներից հետո:
Կսովորես բաց թողնել հնչած խոսքերից հեռացողներին ու ամուր գրկել լռության մեջ մնացողներին: