Предыдущая публикация
Բարև՛, ի՛մ կարոտ, ես գիտեմ՝ դու կաս,
Դու իմ սրտում ես ու իմ հոգու մեջ,
Գիտեմ, ի՛մ կարոտ, ի՞նչ տեսք ունես դու,
Գիտեմ ես նույնիսկ գույնը աչքերիդ,
Անունդ գիտեմ, իմ ցավո՛տ կարոտ:
Բարև՛, ի՛մ կարոտ, ու գիտեմ՝ դու կաս,
Գիտեմ՝ ամեն տեղ դու ինձ հետ կգաս,
Մենակ չես թողնի դու ինձ, ի՛մ կարոտ…
Բարև՛, ի՛մ կարոտ, դու դեռ այստե՞ղ ես,
Ի՞նչ եմ ես խոսում, գիտեմ՝ այստեղ ես,
Դու ինձ չես լքել և ոչ մի վայրկյան,
Թեկուզ լուռ անցնեն շա՜տ-շա՜տ տարիներ,
Ես գիտեմ մի բան՝ դու, իմ խե՛նթ կարոտ, միշտ էլ ապրելու ես այստեղ՝ իմ սրտում:
Բարև՛, ի՛մ կարոտ, ես գիտեմ՝ դու կաս,
Գիտեմ, ի՛մ կարոտ, ի՞նչ տեսք ունես դու:
Следующая публикация
Нет комментариев