Предыдущая публикация
Ինչու՞ է հաճախ մեր հոգին ցավում,
Ինչու՞ ենք անվերջ մենք մեկին փնտրում,
Ով մեզ հասկանա. ոչ միայն սիրի,
Ով իր ջինջ հոգով մեր հոգին տեսնի:
Պատճառը հաճախ մենք լավ էլ գիտենք,
Դրան հասնելու ձևը չգիտենք:
ՈՒ ցավոք կյանքում կան հարցեր բազում,
Որ անկարող ենք գտնել մի լուծում:
Դիմացինն ախր ինչքան էլ ջանա.
Քո հոգու կանչը նա չի հասկանա :
Թե գիտակ չէ նա քո հոգու լեզվին.
Ինչպե՞ս հետևի հոգուդ թռիչքին:
Ինչպե՞ս նա լսի հոգուդ կանչն արդար,
Թե հոգուդ լեզուն մնում է օտար:
Մարդիկ սովոր են լոկ տեսքիդ նայել,
Տեսքովդ հմայվել ու երգեր ձոնել:
Բայց, ա՛յ, թե հոգին ի՞նչ երանգ ունի.
Մարդկանց մեծ մասը գաղափար չունի:
Следующая публикация
Нет комментариев