Предыдущая публикация
•.
Ես, որ կատարելության մեջ
Թերություն էի գտնում,
Քո մեջ ինչո՞ւ թերություն չգտա։
Այո՛, քեզ ամեն ինչ կարելի՛ է,
Միայն թե անունս բարձրաձայն չտաս.
Իմ գլխում տարբեր մտքեր են հիմա,
Բայց բոլորը սկսվում են քեզնից։
Ես, որ երազել եմ մեկի տունը դառնալ,
Իմ տան դռները փակել եմ ընդմիշտ...
Կարոտներիս մասին քեզ ոչինչ չասացի,
Անվերջ թաքցրի,որ պարտվեմ քեզ,
Որ հավերժական պարտվողդ մնամ:
Քեզ ոչ մի անգամ ամուր չգրկեցի,
Չգրկեցի, որ ուժդ չդառնամ,
Որ առանց ինձ անզոր չլինես:
Քեզ չասացի՝ որքան եմ քեզ սիրում,
Եվ ինքս այդ չափը երբեք չիմացա,
Գուցե պարտվեցի, բայց միևնույնն է,
Քո մեջ հաղթողներ երբեք չգտա…
Ես ինքս ինձ անգամ պարտվեցի,
Բայց քեզ հաղթելու ձևը չգտա։
Следующая публикация
Нет комментариев