Քո` անունն ես ինչ կնքեմ,
Որ սիրտս ինձ չնախատի,
Գուցե կարոտ քեզ անվանեմ,
Որ քեզ իմ միակ նա կանչի։
Ես քեզ ամուր գիրկս կառնեմ,
Սիրում եմ քեզ կշշնջամ,
Աչքերիդ ծովին խառնվեմ,
Գուցե քո սիրուց խենթանամ։
Գեղեցիկ ես անասելի,
Ասա, ես ո'նց քեզ չսիրեմ,
Թագուհին ես դու` իմ սրտի,
Արի', հանկարծ չմոլորվեմ։
Ծաղիկներից` բույրդ եմ առնում,
Չի հագենում կարոտն իմ խենթ,
Աչքերիդ վա'ռ լույսն եմ փնտրում,
Որ չդառնա կյանքս արահետ։
Քեզ իմ երազ ես կանվանեմ,
Որ տեսնեմ ամեն գիշերին,
Վարդի բույրին սերս խառնեմ,
Նվիրեմ քեզ ու քո սրտին։
Կարոտս ու սերս զույգ են կազմել,
Քեզ են կանչում սեր իմ անգին,
Օտար սրտում բույն չեն հյուսել,
Քեզ են տեսնում լոկ իմ կողքին։
ԳՅՈՒՄՐԵՑՈՒ_____ՁԵՌԱԳԻՐ_____ՄԿՐՏԻՉ_____ԳՅՈՒՄՐԵՑԻ_____04______10_____2024____ԹՎԱԿԱՆ
Присоединяйтесь к ОК, чтобы подписаться на группу и комментировать публикации.
Нет комментариев