Предыдущая публикация
Սիրելի՜ հայրենակիցներ, սիրելի՜ արթիկցիներ,
Շնորհավորում եմ բոլորիս Ամանորի և Սուրբ Ծննդյան լուսավոր տոների կապակցությամբ:
Անշուշտ, Նոր տարին բոլորիս համար ոչ միայն ամենասիրված ու ամենասպասված, այլեւ ամենահին տոնն է: Չնայած այն տարբեր ազգեր տարբեր կերպ են նշում, սակայն Ամանորի խորհուրդն ամենուր նույնն է` այն ավետում է նորի սկզիբը, իսկ հին տարին իր հետ տանում է անցանկալին ու անհաջողությունը: Նոր տարին եւ հատկապես Սուրբ ծնունդն այն բացառիկ տոներն են, որ միավորում են բոլորիս` անկախ ամեն ինչից:
Ի վերջո, դրանք տոներ են, որոնցից հույս է ճառագում, մարդեղություն բխում, միմյանց հանդեպ սեր եւ հանդուրժողականություն ծորում: Այնպես որ` և՜ Ամանորը և՜ Սուրբ ծնունդը մեզ համար նվիրական տոներ են, յուրաքանչյուրիս համար սպասված տոներ:
Տարեվերջի ու տարեմուտի այս օրերին ընդունված է ամփոփել անցնող տարին եւ գալիք տարվա համար ասել բարեմաղթանքներ, ունենալ հույսեր ու ակնկալիքներ:
Սիրելի՜ հայրենակիցներ,
Թող լինի այնպես, որ յուրաքանչյուրիս վաղվա ծրագրերը կապված լինեն Հայաստան աշխարհի հետ, եւ հայ մարդը երբեք ջերմություն ու ապահովություն չփնտրի օտար ափերում:
Շնորհավոր Ամանոր եւ Սուրբ ծնունդ:
Հարգանքով՝ Արթիկի ավագանու անդամ
«Անի» համատիրության նախագահ՝ Վաղարշակ Գասպարյան
Следующая публикация
Нет комментариев