Предыдущая публикация
"Սիրտս գիրք չէ"
Սիրտս գիրք չէ,
Որ բացեմ ամենքին,
Կարդան հավատան,
Կամ ծաղրեն լռագին։
Սիրտս մի աշխարհ է,
Որտեղ կա արև,
Սիրտս Արարատն է,
Որ կողպված է այնտեղ։
Սիրտս մի երկիր,
Լցված արյունով,
Սիրտս մորմոք է
Կոմիտասի"Կռունկով"։
Սիրտս "Ծիծեռնակն է"
Մեծն Կոմիտասով։
Սիրտս Սևակն է
"Անլռելի զանգակատնով"։
Սիրտս Շիրազն է,
"Հայոց Դանթեականով"։
Սիրտս մեծ աշխարհ,
Բռանցքաչափով։
Ինձ ասում են պոետ,
Տխուր են երգերտ,
Մոխիրով անթեղիր
Հինավուրց վերքերտ։
Բայց չէ որ,ասում եմ,
Ես սիրտ ունեմ հայեր,
Որտեղ անթեղեմ
Ես այսքան ցավեր։
Սիրտս կարող է
Տեղավորել աշխարհ,
Բայց հայոց տառապանքը
Բյուր է,ոչ նշխար։
Աշխարհը չունի ,
Իմ սրտի չափը,
Բայց չունի նաև,
Մեր դաժան կյանքի,
Ողջ տառապանքը։
8.01.2024թ.Մ Մանուկյան։
Следующая публикация
Нет комментариев