Предыдущая публикация
Կգամ, սիրելի՛ս,
Կգամ շատ շուտով,
Խենթ սիրահարի
Անհուն կարոտով:
Կգամ կարոտս
Կարոտիդ խառնեմ,
Կգամ քո շուրթից
Բյուր համբույր քաղեմ:
Կգամ, որ այրվեմ
Սիրուդ քուրայում:
Կգա՛մ, իմ խե՛նթ սեր,
Կարո՛տ մշտարթուն:
Կգամ կարոտած՝
Վաղ լուսաբացին
ՈՒ շող կդառնամ
Քո ճերմակ ուսին:
Քեզ խուտուտ կտամ
Աչքիդ փարվելով,
Քնից կհանեմ
Քեզ գիրկս առնելով
ՈՒ կջերմանամ
Քե ջինջ ժպիտով,
ՈՒ կխենթանամ
Ձայնովդ հոգեթով:
Ձայնիդ թրթիռը
Երբ սրտիս հասնի
Երջանկությունից
Հոգիս կճախրի:
Կգամ ցերեկը
Զեփյուռի թևին,
Սեր կշշնջամ
Ես քո ականջին:
Վարսերդ մեղմիկ
Ես կգուրգուրեմ
ՈՒ կարոտ հոգով
Դեմքիդ կփարվեմ:
ՈՒ կհամբուրեմ
Շուրթերդ անուշ,
Այնպես ջերմորեն
ՈՒ այնպես քնքուշ:
Ես խենթ կարոտով
Քեզ մոտ կդառնամ
Լուռ մայրամուտին,
Երբ որ արևի
Վերջին շողն իջնի
Սարերի ուսին:
ԵՎ ինչի՞ս է պետք
Շողերն արևի,
Երբ լոկ քո սիրով
Հոգիս կարևի:
Երբ քո ժպիտը
Արևից պայծառ
Անմար արև է
Իմ հոգու համար:
ՈՒ գիշերս է անգամ
Դարձնում լուսավոր,
Ա՜խ, ո՜նց եմ քեզնով
Այսքան բախտավոր:
Ես կգամ, սե՛ր իմ,
Կգամ գիշերով,
Երբ մութն իր թևով
Աշխարհը գրկի,
Երբ որ լուսինը
Ժպտա վերևից,
Երբ որ երկինքը
Աստղերով փայլի:
Կգամ, կարոտած
Քեզ գիրկս կառնեմ
ՈՒ կասեմ որքան
Թանկ ես ինձ համար,
Սրտիս զարկերը
Քոնինին խառնեմ,
Կհյուսեմ խենթ երգ
Երկուսիս համար:
Կգա՛մ շատ շուտով,
Կգամ, սիրելի՛ս,
Քեզանից հեռու
Մեռնում է հոգիս:
Սիլվա Գուլանյան
Следующая публикация
Нет комментариев