Այնքան մեծ է իմ հարգանքը Աստվածաշնչի նկատմամբ, որ ինչքան շուտ իմ զավակները սկսեն կարդալ, այնքան ավելի վստահ կլինեմ, որ նրանք օգտակար քաղաքացիներ և հասարակության հարգարժան անդամներ կդառնան իրենց երկրի համար: Երկար տարիներ է, ինչ ես պահպանում եմ տարին մեկ անգամ Աստվածաշունչը գլուխ առ գլուխ ընթերցելու սովորույթը: Ամեն առավոտ անկողնուց ելնելուն պես ընթերցում եմ չորս-հինգ գլուխ, ինչն ինձանից պահանջվում է մոտ մեկ ժամ, և ինձ թվում է, թե օրն այդ կերպ սկսելուց առավել նպաստավոր ոչինչ չկա (Ջոն Քուինսի Ադամս՝ ԱՄՆ 6-րդ նախագահ):
Այս սրբազան Գրքում է բոլոր գաղտնիքների գաղտնիքը: Օ, մահկանացուների մեջ երջանիկ են նրանք, ում Աստված շնորհել է այս Գրքի խոսքերը լսելու, կարդալու, աղոթքով արտաբերելու և երկյուղացությամբ ընկալելու ողորմությունը: Երջանիկ են նրանք, ովքեր ի վիճակի են բացել Աստվածաշնչի դռները և համարձակ ընթանալ նրա ճանապարհներով: Բայց ավելի լավ կլիներ, որ երբեք ծնված չլինեին այն մարդիկ, ովքեր կարդում են միայն կասկածի տակ առնելու և արհամարհելու նպատակով (Ջորջ Բայրոն՝ Անգլիացի բանաստեղծ):
Այս Աստվածային Գիրքը, որ ես անհունորեն եմ սիրել նույնիսկ այն ժամանակ, երբ թվում է, թե անհավատ եմ եղել, հիմա ուսումնասիրում եմ ավելի ուշադիր, քան երբևէ... Աստվածաշնչի ընթերցանությունը երբեք ինձ առիթ չի տվել կեղծ բարեպաշտությամբ տոգորվելու, այսինքն՝ այն սխալ հասկացվող երկյուղածությամբ, որը բնորոշ է վախկոտներին ու մոլեռանդներին: Ես սովորեցի սիրել Աստծուն և մարդկանց, մշտապես ամեն բանից առավել փափագել արդարության և արքայության, խույս տալ ստից և ներել անիրավներին (Ջորջ Բայրոն՝ Անգլիացի բանաստեղծ):
Կա մի գիրք, որի մեջ ասված և լուծված է ամեն ինչ, որից հետո չքանում են բոլոր կասկածները: Այդ անմահ, սուրբ, հավիտենական ճշմարտության, հավտենական կյանքի գիրքը Ավետարանն է: Մարդկության ողջ առաջընթացը, գիտությունների, փիլիսոփայության բոլոր նվաճումները պայմանավորված են միմիայն այդ երկնային Գրքի խորհրդավոր խոսքերի մեջ առավելագույն ներթափանցմամբ, նրա կենդանի, հավերժ անանց խոսքերի գիտակցումով... Ավետարանի հիմքը ճշմարտության հայտնությունն է սիրո և շնորհի միջոցով (Վիսարիոն Բելինսկի՝ Ռուս գրող):
Ավետարանը մյուս գրքերից տարբերվում է նրանով, որ հավասարապես համոզիչ, հստակ և հասկանալի է խոսում բոլոր նրանց սրտերի, հոգիների և մտքերի հետ, ովքեր փափագում են իրենց ծարավը հագեցնել նրա ճշմարտություններով: Գիրքը հավասարապես հասկանում են արքան և ծառան, հարուստը և աղքատը, իմաստունը և տգետը: Իհարկե, նրանցից մեկը կհասկանա ավելի շատ և ավելի խորը, քան՝ մյուսը: Բայց բոլորն էլ կընկալեն ճշմարտությունը: Ընդ որում՝ իր իմաստությամբ հպարտ իմաստունը ավելի քիչ կհասկանա, քան այն հասարակ մարդը, ով ծարավ է ճշմարտության՝ իր սրտի պարզությամբ և խոնարհությամբ, ուստիև անմիջապես արձագանքում է նրան (Վիսարիոն Բելինսկի՝ Ռուս գրող):
Ինչ որ կա հիմա, ինչով հպարտանում և ինչով հիանում է ժամանակակից մարդկությունը, այդ ամենը աճել է Աստվածային Նոր Կտակարանի անզուգական խոսքերի կենսատու սերմից: Միայն նրա մեջ կարելի է և հնարավոր է փնտրել քրիստոնեական Եվրոպայի՝ աշխարհի այս ոչ մեծ մասի, հաղթանակի խորհրդավոր պատճառները՝ իր տարածքով հսկայական, սակայն թույլ ու թշվառ՝ մնացած ոչ քրիստոնեական աշխարհի նկատմամբ (Վիսարիոն Բելինսկի՝ Ռուս գրող):
Որպեսզի մոլորության մեջ չընկնենք, ջանադիր կերպով երկու գիրք պետք է ուսումնասիրենք: Առաջինը Սուրբ Գիրքն է, որ Աստծո հայտնությունն է, իսկ երկրորդը արարչագործությունն է, որ վկայում է Նրա զորության մասին: Նախ պետք է ուսումնասիրենք Սուրբ Գիրքը, որն իր մեջ ընդգրկում է Աստծո պատվիրանները: Իսկ հետո պետք է անցնենք Աստծո արարչագործության ուսումնասիրությանը, որը մեզ ցույց է տալիս Նրա մեծությունը: Երկրորդը բանալի է դեպի դեպի առաջինը: Տրամաբանության և Խոսքի ընդհանուր կանոնների ուսումնասիրությունը մեզ օգնում է հասկանալ Աստվածային պատվիրանների ճիշտ իմաստը, նոր պատուհաններ է բացում մեր հավատի համար, օգնում է հասու լինել Արարչի մեծությանը, քանի որ Նրա անսահման զորությունն ու մեծությունը պարզ երևում են Նրա գործերի և ստեղծածի մեջ (Ֆրենսիս Բեկոն՝ Անգլիացի փիլիսոփա, պատմաբան, քաղաքական գործիչ):
Մարդկանց գրած բոլոր գրքերը, նույնիսկ ամենալավերը, Սուրբ Գրքի համեմատ լոկ մոլորակներ են, որոնք իրենց բավանդակ լույսն ու փայլը ստանում են Գրքերի Գրքից՝ Աստվածաշնչից (Ռոբերտ Բոյլ՝ անգլիացի ֆիզիկոս, քիմիկոս և աստվածաբան):
Ասվում է, որ գիտական լուսավորվածությունը և աստվածաշնչային համոզմունքները անհամեմատելի են: Ես մեր ժամանակների ողբերգությունն եմ համարում այն, որ այդպիսի անմիտ ու վտանգավոր մոլորությունը լայն ընդունելություն և տարածում ունի (Վերներ Բրաուն՝ գերմանա-ամերիկյան ֆիզիկոս):
Պատմաբաններն ընդամենը Աստվածաշնչի անվիճարկելի պատմական փաստերն են հաստատում: Հնագիտությունը աստվածաշնչյան գիտություն է, և յուրաքանչյուր գտածո ավելի ու ավելի է մեզ մոտեցնում Աստվածաշնչի ակունքներին (Հենրի Բրուգշ՝ գերմանացի եգիպտագետ):
Պապիկիս և տատիկիս տանը մեծագույն բավականություն էի ստանում բազմաթիվ փորագրանկարներով զարդարված ընտանեական Աստվածաշնչի ընթերցանությունից, երբ իմ զարմացած հայացքի առաջ հեքիաթային լույսերի մեջ կենդանություն էին առնում Արևելքի հին բնակիչների կյանքն ու գործքը: Մեծարանքի արժանի այդ Գրքերի Գիրքը, որին հաղորդակից եմ մինչև օրս, հիացնում է ինձ, և ես Արևելքի ժողովուրդներին ու երկրներին ծանոթանալու իմ առաջին բուռն ցանկությունը նրան եմ վերագրում (Հենրի Բրուգշ՝ գերմանացի եգիպտագետ):
Երկիրը կլոր է, նուրբ ու թափանցիկ մթնոլորտ ունի և ՙկախված է՚. սա ես չեմ ասում, այլ Աստվածաշունչը: Հոբը գիտնական չէր, բայց դրա մասին հայտնություն ուներ (Հոբ 26:7), ինչպես և Եսայի մարգարեն (Ես 40:22), և, փառք Աստծո, Աստվածաշունչը թարգմանված է և հասանելի յուրաքանչյուրին (Գալիլեո Գալիլեյ՝ իտալացի ֆիզիկոս, աստղագետ, փիլիսոփա, բանաստեղծ, մաթեմատիկոս):
Սուրբ Գիրքը երբեք չի կարող վրիպել կամ մոլորվել, նրա իմաստալից խոսքերը բացարձակ են և անվիճելի, և ինչպես դրանք, այնպես էլ բնությունը ստեղծված են Աստվածային Խոսքով. Աստվածաշունչը՝ Սուրբ Հոգու ներշնչմամբ, իսկ բնությունը՝ Աստծո կամքով, հրաման-թելադրանքով և օրենքների կատարմամբ: Ինքը՝ Գիրքը, երբեք չի կարող սխալվել, քանի որ բազմաթիվ տեղերում ոչ միայն ընդունում, այլև նույնիսկ պահանջում է այնպիսի լուսաբանումներ, որոնք դուրս են ուղիղ, տառացի ձևակերպումներից (Գալիլեո Գալիլեյ՝ իտալացի ֆիզիկոս, աստղագետ, փիլիսոփա, բանաստեղծ, մաթեմատիկոս):
Բնության գործերում Տեր Աստված երևում է մեզ ոչ պակաս հիացմունքի արժանի կերպով, քան Աստվածաշնչի տողերում... Բնությունը, անկասկած, Աստծո երկրորդ գիրքն է, որից մենք չպետք է հրաժարվենք և պարտավոր ենք կարդալ (Գալիլեո Գալիլեյ՝ իտալացի ֆիզիկոս, աստղագետ, փիլիսոփա, բանաստեղծ, մաթեմատիկոս):
Ժամանակին ես գիտեի աշխարհում ապրող իննսունհինգ նշանավոր մարդու, որոնցից ութսունյոթը Աստվածաշնչի հետևորդներ էին: Աստվածաշունչն առանձնանում է իր ծագումով, և անչափելի հեռավորություն է նրան բաժանում մյուս գրքերից (Վիլյամ Գլադսթոն՝ անգլիացի պետական գործիչ և գրող):
Թող աշխարհն առաջադիմի և զարգանա, որքան կուզի, թող մարդկային հետազոտությունների բոլոր բնագավառները և իմաստությունը հասնեն իրենց բարձրակետին, մեկ է, չեն կարող փոխարինել Աստվածաշնչին: Նա է ամեն տեսակ ուսուցումների և ամեն տեսակ զարգացումների հիմքը: Թող զարգանա գիտական մշակույթը, թող բնական գիտությունը աճի, և՛ լայնությամբ և՛ խորությամբ, և մարդու միտքը զարգանա, որքան կարող է, մեկ է, Ավետարաններում շողոցող քրիստոնեության մշակութային և բարոյական մակարդակին չեն հասնի (Յոհան Գյոթե՝ գերմանացի բանաստեղծ, պետական գործիչ, մեծ մտածող և բնագետ):
Ես համոզված եմ, որ Աստվածաշունչն ավելի գրավիչ է դառնում այն չափով, ինչ չափով որ պարզաբանվում, հասկանալի է դառնում մարդուն (Յոհան Գյոթե՝ գերմանացի բանաստեղծ, պետական գործիչ, մեծ մտածող և բնագետ):
Աստվածաշունչը խոսում է յուրաքանչյուր սերնդի սրտի հետ, իսկ ժողովրդի կենսունակությունը և ուժը չափվում է Աստվածաշնչի նկատմամբ ունեցած նրա վերաբերմունքով (Յոհան Գյոթե՝ գերմանացի բանաստեղծ, պետական գործիչ, մեծ մտածող և բնագետ):
Որքան էլ մեծանա կրթության մակարդակը, այնուամենայնիվ, Աստվածաշունչը, որպես դաստիարակության հիմք և զենք, ավելի մեծ նշանակություն ձեռք կբերի իրապես իմաստուն մարդկանց ձեռքում (Յոհան Գյոթե՝ գերմանացի բանաստեղծ, պետական գործիչ, մեծ մտածող և բնագետ):
Այն մեծ հարգանքը և ակնածանքը, որ Աստվածաշնչի նկատմամբ տածում են այդքան ժողովուրդներ և սերունդներ, գնահատվում է հենց նրա իսկ սեփական արժանիքներով: Դա ազգային գիրք չէ, հրեա ժողովրդի գիրքը չէ միայն, այլ բոլոր ժողովուրդների գիրքն է: Նրանում գրառված պատմական անցքերը, որոնք մեկ ժողովրդի հետ կատարված պատմական անցքեր են, խորհրդապատկերում են յուրաքանչյուր քրիստոնյայի և ողջ Եկեղեցու՝ Քրիստոսի եկեղեցու կյանքը: Դրանք տրված են մեզ բոլորիս փրկագնման ուսուցման համար: Աստվածաշունչը պատմությունը կապում է աշխարհի սեղծման հետ և շարունակում է այն մինչև այս՝ մարդուն տրված սահմանափակ ժամանակաշրջանը: Աստվածաշունչը հավերժ կենդանի գիրք է, և քանի դեռ գոյություն ունի աշխարհը, ոչ ոք չի ասի. ՙԵս այն ծայրե ի ծայր հասկանում եմ՝ իր բոլոր մանրամասնություններով՚ (Յոհան Գյոթե՝ գերմանացի բանաստեղծ, պետական գործիչ, մեծ մտածող և բնագետ):
Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации
Первый победитель австралийского конкурса «X-Factor», обладатель «ARIA Award» и дважды платинового дебютного альбома Алтийян Чайлдс раскрывает секреты тайной мировой религии, адепты которого состоят в тайном обществе и управляют всем миром.
✅ВК СООБЩЕСТ...
Комментарии 157