Предыдущая публикация
ՀԱՅՏՆԻ Է «ՌԵԱԼ» - «ԲԱՎԱՐԻԱ» ԽԱՂԻ ՄՐՑԱՎԱՐԻ ԱՆՈՒՆԸ
#Ադմին
ՈՒԵՖԱ-ն հաստատել է Չեմպիոնների լիգայի կիսաեզրափակչի երկրորդ խաղերի մրցավարներին։ Թուրք մրցավար Ջունեյթ Չակիրը կսպասարկի «Ռեալ» - «Բավարիա» դիմակայության պատաասխան խաղը, որ կկայանա մայիսի 1-ին։ Սա կլինի 10-րդ խաղը «Ռեալի» մասնակցությամբ, որը սպասարկում է այս մրցավարը։
Չակիրն արդեն երկու անգամ ընթացիկ մրցաշրջանում աշխատել է «Ռեալի» մասնակցությամբ խաղում, երբ նախ Զիդանի թիմը Լոնդոնում պարտվեց «Տոտենհեմին» 3-1 հաշվով, իսկ ապա քառորդ եզրափակչում Թուրինում հաղթեց «Յուվենտուսին» 0-3 հաշվով։ Նախորդ մրցաշրջանում նա աշխատեց «Նապոլիի» դեմ Նեապոլում կայացած խաղում (1-3), ինչպես նաև «Ատլետիկո» - «Ռեալ» (2-1) պատասխան խաղում՝ կիսաեզրափակիչ փուլում։ 2015-16 մրցաշրջանում նա աշխատել է «Մալմյո» - «Ռեալ» (0-2) խաղում, ինչպես նաև սպասարկել է կիսաեզրափակիչ առաջին խաղը «Սիթիի» ու «Ռեալի» միջև, որն ավարտվել է 0-0 հաշվով։
2012/13 մրցաշրջանում Չակիրը պատասխանատու էր «Ռեալ» - «Բորուսիա» խմբային փուլի խաղի համար (2-2), ինչպես նաև 1/8 եզրափակչում նա աշխատեց «Մանչեսթեր Յունայթեդ» - «Ռեալ Մադրիդ» (1-2) խաղում։ 2011-12 մրցաշրջանում Չակիրը սպասարկել է «Ռեալ Մադրիդ» - «Լիոն» (4-0) խաղը խմբային փուլում։
Следующая публикация
Нет комментариев