«Սանտիագո Բեռնաբեուում» «Ատլետիկի» դարպասը խփած գոլի շնորհիվ Ռոնալդուն այժմ արդեն 12 խաղ շարունակ աչքի է ընկնում գոլով։ Այս ցուցանիշով նա կրկնեց իր լավագույն արդյունքը։ Նման ցուցանիշի Կրիշտիանուն կարողացել էր հասնել նաև 2014 թվականի օգոստոս-նոյեմբեր ամիսներին։ Այդ ընթացքում նա խփել էր 20 գնդակ։ Այս տարի, սակայն, նա արդեն 22 գոլ է խփել նույն 12 խաղերում։
Ռոնալդուի ընթացիկ շարքը սկսվեց «Ռեալ Սոսյեդադի» դեմ խաղում խփած հեթ-տրիկով, ինչից հետո նա դուբլ ձևակերպեց ՊՍԺ-ի դեմ խաղում ու մեկ գոլ խփեց «Բետիսին»։ Այնուհետև նա դուբլ գրանցեց «Ալավեսի» ու «Ժիրոնայի» դեմ խաղերում, ինչից հետո կրկին մեկ գոլով աչքի ընկավ ՊՍԺ-ի դեմ մրցավեճում։ Փարիզից վերադառնալուց հետո նա դուբլ գրանցեց «Էյբարի» դեմ մրցավեճում, չորս գոլ խփեց «Ժիրոնային», ինչից հետո դուբլ ձևակերպեց Թուրինում, ու գոլերից մեկը՝ շրջադարձ հարվածով։
«Ատլետիկոն», «Յուվենտուսն» ու «Ատլետիկը» վերջին երեք թիմերն էին, որոնց Ռոնալդուն գոլ է խփել այս ընթացքում՝ յուրաքանչյուր դարպասն ուղարկելով մեկական գնդակ։
Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации
Нет комментариев