Կարվախալը կրկին դարձել է նախկին Կարվախալը։ Դանին միշտ այն ֆուտբոլիստների թվում է եղել, որին Զինեդին Զիդանը միշտ վստահել է, սակայն որոշ ժամանակ առաջ նա այդքան էլ լավ մարզավիճակում չէր։
Մրցաշրջանի սկիզբը հեշտ չստացվեց իսպանացու համար։ Սեպտեմբերի 30-ին «Ռեալ Մադրիդն» իր պաշտոնական կայքում հայտարարեց Կարվախալի հիվանդության մասին։ Վիրուսային պերիկարդիտը Դանիին զրկեց ֆուտբոլից մինչև նոյեմբերի 18-ը։ Ֆուտբոլիստը 8 հանդիպում բաց թողեց. 5-ը՝ Լա լիգայում, 2-ը՝ Չեմպիոնների լիգայում և 1-ը՝ Արքայական գավաթում։
Դանի Կարվախալի բացակայության ժամանակ պաշտպանությունում խաղում էր Աշրաֆ Հակիմին։ Վերադառնալով շարք՝ Դանին արագ վերականգնեց իր տեղը մեկնարկային կազմում։ Վերադառնալուց հետ Կարվախալը միայն երկու խաղ է բաց թողել մարզչի որոշմամբ, մնացած բացակայությունները կապված են եղել որակազրկումների հետ։ Նա «Ռեալի» միակ խաղացողն է, որը մասնակցել է թիմի վերջին 4 խաղերին. «Յուվենտուսի» դեմ ՉԼ-ի քառորդ եզրափակչի խաղերը, մադրիդյան դերբին և «Մալագայի» դեմ խաղը՝ խաղադաշտում ընդհանուր առմամբ անցկացնելով 360 րոպե։ Իր ակումբակիցներից և ոչ մեկը չի կարող հպարտանալ այսպիսի վիճակագրությամբ։
Հենց Դանիի փոխանցումից հետո Կրիշտիանու Ռոնալդուն շրջադարձ հարվածով գրավեց «Յուվենտուսի» դարպասը։ «Ատլետիկոյի» դեմ խաղում նա անփոխարինելի էր պաշտպանությունում, ինչպես նաև վտանգավոր էր հարձակվելիս։
«Յուվենտուսի» դեմ պատասխան խաղում նրա համար հեշտ չէր խաղալ Մանջուկիչի դեմ, քանի որ հասակով զգալի զիջում էր խորվաթ հարձակվողին։ Սակայն հանդիպման վերջին րոպեներին նա անցավ գործողությունների և այդ թվում նաև նրա շնորհիվ Զիդանի թիմը կարողացավ անցնել մրցաշարի հաջորդ փուլ։
Իսկ «Մալագայի» դեմ խաղում Կարվախալը լիովին իրեն նման էր. աջ եզրի տերն ու տիրակալը՝ գտնվելով մարզավիճակի գագաթնակետում։
Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации
Нет комментариев