Предыдущая публикация
ԶԻԴԱՆԸ ՍԿՍՈՒՄ Է ՊԱՏՐԱՍՏՎԵԼ «ԲԱՎԱՐԻԱՅԻ» ԴԵՄ ԽԱՂԻՆ
#Ադմին
Մինչև Չեմպիոնների լիգայի կիսաեզրափակչի «Բավարայի» դեմ առաջիկա հանդիպումը «Ռեալը» դեռ 2 խաղ ունի անցկացնելու Իսպանիայի առաջնությունում: Սակայն Զիդանի գլխում միայն գերմանացիների դեմ հանդիպումն է: Այսօր երեկոյան կայանալիք «Ատլետիկի» հետ խաղից էլ ֆրանսիացին կկարողանա կողմնորոշվել վճռական հանդիպման մեկնարկային կազմի հարցում:
Արդեն մրցաշրջանի վերջին հատվածն է, սակայն Զիդանն այդպես էլ չկարոցավ ունենալ հստակ հիմնական կազմ: Իհարկե, խոսքը գնում է ավելի շատ հարձակման գծի մասին, քանի որ պաշտպանությունում ու կենտրոնում ամեն ինչ պարզ է: Այս ամբողջ ընթացքում, բացի Կրիշտիանուից, թիմի բոլոր հարձակվողները պայքարեցին ու դեռ կպայքարեն մեկնարկային կազմում ընդգրկվելու համար: Զիդանն անգամ չի կողմնորոշվել սխեմայի հարցում՝ 4-4-2, թե՞ 4-3-3:
Եթե նայենք թիմի համար ամենակարևոր խաղերի՝ այսինքն ՉԼ-ի փլեյ-օֆֆ փուլի հանդիպումներին Զիդանի ընտրած մեկնարկային կազմերը, ապա ոչ մի եզրահանգման էլ չենք գա, քանի որ եղել են շատ տարբեր կազմեր: Իսկոն, Բեյլը, Ասենսիոն ու Վասկեսն իրար մեջ են բաժանել Կրիշտիանուի կողքին խաղալու տեղը: «Յուվենտուսի» դեմ վերջին խաղում էլ չկար արդեն Բենզեման, ինչից հետո պարզ դարձավ, որ նա էլ կորցրեց անձեռնմխելիի կարգավիճակը:
Այսպիսով՝ քասթինգը սկսվում է 0-ից: Ըստ իսպանական պարբերականների՝ այսօր երեկոյան Զիդանը կընտրի դասական՝ 4-3-3 սխեման: Կենտրոնում կխաղան Կասեմիրոն, Կրոսն ու Մոդրիչը, իսկ առջևի գծում՝ BBC եռյակը: Տեսնենք, թե ինչ կստացվի այս անգամ:
Следующая публикация
Нет комментариев