Предыдущая публикация
ՊԱՏՄԱԿԱՆ ԳՈԼԵՐ.
ԳԵՈՐԳԵ ՀԱՋԻ
#Ադմին
«Պատմական գոլեր» շարքի այս շաբաթվա հերոսը Գեորգե Հաջին է։ Կիսապաշտպանը միացավ «Ռեալին» 1990 թվականին Բուխարեստի «Ստյաուայից»։ Նա Ռումինիայում հաջողության էր հասել իր բարձր որակների հաշվին, ու նույն որակներով աչքի ընկավ նաև «Ռեալում»։ Նա հիշվում է տեխնիկական բարձր պատրաստվածությամբ, հեռու տարածություններից հարվածներով ու ձախ ոտքին հիանալի տերապետելով։
1991/92 մրցաշրջանի 22-րդ տուրում «Ռեալը» մրցում էր Բիլբաոյի «Ատլետիկի» հետ «Սանտիագո Բեռնաբեու» մարզադաշտում։ «Ռեալը» հաղթեց 5-0 հաշվով Հաջիի հեթ-տրիկի շնորհիվ, ինչպես նաև մեկական գոլ խփեցին Հիերոն ու Ուգո Սանչեսը։ Ռումինացին խփեց խաղի առաջին երեք գոլերը։ Առաջին գոլի դեպքում նա գրավեց «Բիլբաոյի» դարպասը ձախ ոտքի հուժկու հարվածով։ Երկրորդի դեպքում նա ստացավ Բուտրագենիոյի փոխանցումն ու օդից կատարած հարվածով աչքի ընկավ։ Իսկ լավագույնը նա պահել էր վերջին գոլի համար։ Երրորդ գոլը նա խփեց անհատական անցումից հետո՝ ստանալով գնդակը, առաջ ընթանալով ու իր սիրելի ոտքով անկասելի հարված կատարելով։
Գեորգե Հաջին «Ռեալում» խաղաց երկու մրցաշրջան՝ անցկացնելով 84 խաղ ու խփելով 20 գոլ։ Նա «Ռեալի» հետ միասին նվաճել է Իսպանիայի սուպերգավաթը։
Следующая публикация
Нет комментариев