Предыдущая публикация
«ՌԵԱԼ ՄԱԴՐԻԴ» 5-2 «ՌԵԱԼ ՍՈՍՅԵԴԱԴ».
ՌՈՆԱԼԴՈՒՆ՝ ՀԵԹ-ՏՐԻԿԻ ՀԵՂԻՆԱԿ
Լա լիգայի 23-րդ տուրում կայացավ «Ռեալ Մադրիդ» - «Ռեալ Սոսյեդադ» հանդիպումը։ Խաղի ելքը վճռվեց դեռևս առաջին խաղակեսում, որը պարզապես հիանալի մեկնարկեց Զիդանի թիմի համար։
Արդեն հանդիպման առաջին րոպեին խաղի հաշիվը բացեց Լուկաս Վասկեսը՝ գլխի հարվածով գրավելով Ռուլիի դարպասը։ 27-րդ րոպեին գեղեցիկ կոմբինացիայից հետո աչքի ընկավ Ռոնալդուն։ Ընդամենը 7 րոպե անց շքեղ գոլի հեղինակ դարձավ Թոնի Կրոսը։ Ավելին, ընդամենը երեք րոպե անց Ռոնալդուն հաշվի տարբերությունը հասցրեց 4-ի։
Երկրորդ խաղակեսում «Ռեալը» ակնհայտորեն ուժեր էր խնայում ՊՍԺ-ի դեմ առաջիկա խաղի համար, ինչը թույլ տվեց մրցակցին բաց ֆուտբոլ խաղալ։ 74-րդ րոպեին Յոն Բաուտիաստան խփեց բասկերի առաջին գնդակը։
Ընդամենը 6 րոպե անց Կրիշտիանու Ռոնալդուն հերթական անգամ աչքի ընկավ՝ ձևակերպելով հեթ-տրիկ։
Հանդիպման վերջնական հաշիվը ձևակերպեց Ասիեր Իլյարամենդին՝ 83-րդ րոպեին խփելով հյուրերի երկրորդ գնդակը։
«Ռեալ Մադրիդ» 5-2 «Ռեալ Սոսյեդադ»
Գոլերը՝ 1-0 Վասկես (1), 2-0 Ռոնալդու (27), 3-0 Կրոս (34), 4-0 Ռոնալդու (37), 4-1 Բաուտիստա (74), 5-1 Ռոնալդու (80), 5-2 Իլյարամենդի (83)
Следующая публикация
Нет комментариев