ОТДАНИЕ ПРАЗДНИКА СРЕТЕНИЯ ГОСПОДНЯ

Сегодня - день отдания праздника Сретения. Отдание праздника отмечается особо торжественным богослужением, во время которого исполняются молитвы и песнопения, которые поются в сам праздник. Церковь как бы говорит верующим - праздник прошел, но давайте еще раз вспомним о нем и обратимся к его духовному смыслу.
«Сретение» - означает - «встреча». В этот праздник верующие вспоминали встречу Богородицы, праведного Иосифа и Богомладенца Христа с праведным Симеоном и пророчицей Анной. В их лице с Господом словно встретилось всё человечество. Праведники Ветхого завета вышли навстречу Завету Новому. И Симеон, и Анна обладали даром предвидения. В маленьком мальчике, которого родители принесли в Иерусалимский храм, они сразу узнали Спасителя мира. Этот праздник напоминает всем христианам о предстоящей встрече каждого с Тем, Кто искупил наши грехи.
Встретиться с Богом призван каждый из нас. Что значит «встретиться»? «Вос­чувствовав сретение Бога, мы не на руки приемлем Его, но в самое сердце, которое ликует и играет духовной легкостью и теплом», — говорил в своей проповеди на Сретение архимандрит Иоанн (Крестьянкин). Произошло ли это со мною, приняла ли я Христа в свое сердце? Каждому из нас необходимо изо дня в день честно отвечать себе на этот вопрос. И если когда-то мы сможем произнести «да» — то тогда возможно и наше «Ныне отпущаеши…».
☦ Тропарь Сретению Господню , глас 1
Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды, Христо́с Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.
☦ Кондак Сретению Господню , глас 1
Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жительство// и укрепи́ лю́ди, и́хже возлюби́л еси́, еди́не Человеколю́бче.
☦ Молитва Симеона Богоприимца
Ныне отпущаеши раба Твоего, Владыко,/ по глаголу Твоему с миром;/ яко видеста очи мои спасение Твое,/ еже еси уготовал пред лицем всех людей,/ свет во откровение языков,/ и славу людей Твоих Израиля.
☦ Молитва первая ко Господу Иисусу Христу
Господи Иисусе Христе, Единородный Сыне и Слове Божий, древле во пророцех Виденный, якоже зерцалом в гаданий, в последок же дний сих плотию от Пресвятыя Девы Марии нетленно рожденный и в четыредесятный день сей во Святилище во Сретение всему миру от Тоя, яко Младенец руконосим, явленный и во объятиях праведнаго Симеона во спасение всем сущим от Адама носимый! Коль преславно и пресветло Твое на руку Богоматери во храм Господень принесение и от святаго старца Божественное сретение Твое! Днесь небеса веселятся и радуется земля, яко видена быша шествия Твоя, Боже, шествия Бога нашего Царя, Иже во Святем. Древле Моисей восходит видети славу Твою, но не возможе увидити Лица Твоего, зане явил еси ему точию задняя Своя. В пресветлый же день сей Сретения Твоего Ты явил еси Себе человеком во святилище, сияя неизреченным Светом Божества, да вкупе с Симеоном видят Тя лицем к лицу и руками да осяжут Тя, и восприемши во объятия своя, да познают Ти Бога во плоти пришедша. Сего ради прославляем неизреченное снисхождение и велие человеколюбие Твое, яко пришествием Твоим даровал еси ныне небесную радость падшему древле роду человечу: Ты бо праведным судом Своим изгнал еси прародители наши из рая сладости в мир сей, ныне же помиловал еси нас и паки отверзл нам райския обители и обратил еси плач наш на радость, да падший Адам к тому уже да не стыдится Тебе за преслушание и да не будет скрыватися Лица Твоего, Тобою призываемый, яко Ты пришел еси ныне, да возьмеши на Себе грех его, да омыеши его Своею Кровию и да облечеши его нага суща в ризу спасения и одежду веселия и украсиши его, яко невесту красотою. Нам же всем Божественное Твое Сретение воспоминающим, сподоби с мудрыми девами изыти на Сретение Твое, Небесному Жениху нашему, с горящими светильниками веры, любви и чистоты, да улицезрим очами веры Божественное Лице Твое, да восприимем Тя в душевныя объятия своя, и да понесем Тя в сердце своем во вся дни Живота своего, да будеши нам в Бога и мы в людие Твои. В последний же и Страшный день Пришествия Твоего, егда вси святии изыдут на последнее и великое Сретение Твое на воздусе, сподоби и нам усрети Тя, да тако всегда с Господом будем. Слава Милосердию Твоему, Слава Царствию Твоему, Слава смотрению Твоему, Едине Человеколюбче, яко Твое есть Царство, и Сила, и Слава со Безначальным Твоим Отцем и Пресвятым и Благим и Животворящим Твоим Духом ныне и присно, и во веки веков. Аминь.
☦ Молитва вторая к Пресвятой Богородице
О, Пресвятая, Небесною чистотою Сияющия Дево, Кроткая голубице, Нескверная Агнице, миру Благая Помощнице, Мати Христа Бога нашего! Ты еси начало, средина и конец нынешния радости нашея, яко из Тебе возсия Солнце Правды Христос Бог наш и Того принесла еси на святых объятиях Своих в четыредесятный день сей во Святилище на сретение наше и на радость и спасение всему миру. Сего ради и ублажаем и прославляем Тя, яко Ты еси Скиние Бога с человеки Богословом Предзримая, Ею же Бог вселися с нами, да мы людие Его будем? Ты еси Дверь Небесная Иезекиилем Предреченная, Еюже отверзошася паки нам входы в райския обители. Ты еси Лествице Высокая, Иаковом Предвидимая, Еюже сниде Бог на землю и Мосте, преводяй сущия от земли на небо. Темже молим Тя, взирающе, яко пошла еси во Святилище, носящи Огнь Небесный рукама Своима Бога, Благодатная. Огнем молитвы Твоея попали огнь страстей наших, да избавимся вечнаго огня геенскаго. Во Святилище пришла еси очищения ради законного, очищения не требующая, яко Дева Чистая и сим научи нас како подобает нам хранити себе в целомудрии и чистоте и с каковым смирением подобает нам провождати подвиг девства, памятуя, како Ты, превыше Херувим Сущая, стала еси на месте нечистых жен. Ты, о, Мати Пресвятая, Сама сущи Боговместимый храм Божий принесла еси в церковь законную Превожделеннаго сына Твоего, Христа Бога нашего, сподоби и нам паче всего на земли любити храмы Сына Твоего, посещати я во вся дни живота нашего, зрети тамо красоту Господню, яко лучше един день приметатися во дворех Господних, паче неже жити в селениих грешничих. Наипаче же даруй нам, Пречистая, яко же Симеону, неосужденно носити Сына Твоего и Бога нашего в сердечных объятиях Своих, егда причастницы будем Пречистаго Тела и Крови Его, и помози нам тогда сугубо хранити себе во святыне и страхе Божиим, да не растлим храм плоти нашея. И тако выну сретаюше, о Богомати, Сына Твоего в сердцах и душах наших, да сподобимся молитвами Твоими достигнути и блаженнаго онаго Сретения Господня на воздусе, егда со всеми святыми выну будем славити и воспевати Пресвятое Имя Его со Отцем и Святым Духом и Твое милостивое предстательство ныне и присно и во веки веков. Аминь.