Թուրքական «Ֆեներբախչեի» դանիացի պաշտպան Սիմոն Կյաերը մեկնաբանել է Եվրոպա լիգայի 4-րդ տուրի՝ անգլիական «Մանչեսթեր Յունայթեդի» հետ կայացած խաղում իր և մրցակցի հարձակվող Զլատան Իբրահիմովիչի միջև բախումը:«Ես չլսեցի, թե Զլատանն ինձ ինչ ասաց, սակայն վստահ եմ, որ նա դժգոհ էր: Դա նրա բնավորությունն է: Նա այն ֆուտբոլիստներից է, ով մեծամիտ է և սիրում է մասնակցել հրմշտոցների:Առաջին անգամ չէ, որ ես խաղում եմ նրա դեմ, գիտեմ, թե նա ինչպես է արձագանքում: Սա պարզապես ֆուտբոլի մի մասն է»,- Կյաերի խոսքերն է մեջբերում Daily Mail-ը: