Վաղը Բարսելոնան իր 3 - րդ ընկերական հանդիպումն է անցկացնելու ընթացիկ մինչմրցաշրջանային հատվածում: Էնրիկեն հայտավորել է 23 խաղացողների:

Բարսելոնա Բ - ից միայն 3 խաղացողներ են մեկնելու Լոնդոն: Նրանք են Կամարան, Մուխիկան ու Ալֆարոն: Մարլոնը չի ընդգրկվել հայտացուցակում, քանզի, թույլտվություն ստանալով ակումբից, մեկնել է Բրազիլիա՝ կարգավորելու իր վիզայի հետ կապված խնդիրները:
Տեր Շտեգենը, Բրավոն, Պիկեն, Վերմալենը, Ինիեստան, Ռակիտիչը, ինչպես նաև հինգշաբթի օրը թիմի մարզումներին նախատեսվածից շուտ միացած Լուկա Դինն ընդգրկվել են հայտացուցակում, որից ստամոքսի խնդիրների պատճառով դուրս է մնացել Ալբան:
Այդպիսով, Լոնդոն կմեկնեն հետևյալ 23 խաղացողները՝
Դարպասապահներ՝ Մասիպ, Բրավո և Տեր Շտեգեն
Պաշտպաններ՝ Կամարա, Դին, Վերմալեն, Մաթյո, Մասկերանո, Պիկե, Դուգլաս և Վիդալ
Կիսապաշտպաններ՝ Ռոբերտո, Սամպեր, Բուսկետս, Թուրան, Դ. Սուարեզ, Ռակիտիչ և Ինիեստա
Հարձակվողներ՝ Մուխիկա, Ալֆարո, Մունիր, Լ. Սուարեզ և Մեսսի