Предыдущая публикация
Իմաստուն խորհուրդներ
Դադարիր քո մասին վատը մտածել. դու յուրահատուկ անհատականություն ես, տարակուսելով և ինքդ քեզ չհավատալով՝ դու հիասթափեցնում ես Հորը, Ով արարել է քեզ այս հիասքանչ աշխարհում: Հաճախ հիշեցրու քեզ այս մասին:
Հետևիր քո խոսքերին. Աստվածաշունչն ասում է մեզ, թե ինչպես օգտագործենք մեր լեզուն: Միևնույն շուրթերով մարդը կարող է և՛ անիծել, և՛ օրհնել: Աստված ուզում է, որ մենք վերահսկենք այն, ինչ ասում ենք, և որ մենք ասենք միայն բարին ու լավը:
Գնահատիր նրան, ով պատրաստ է քեզ հետ մինչև վերջ գնալու, որովհետև կարևոր է ոչ թե նա, ով սկսել է քեզ հետ, այլ նա, ով քեզ հետ կլինի մինչև վերջ:
Երբեք մի երազիր՝ չաշխատել: Հիշիր՝ հենց անգործությունն է հիմնական պատճառներից մեկը՝ դեպրեսիայի և հոգեկան այլ խանգարումների առաջացման:
Երբեք այսօրվա քո գործերը մի թող վաղվան: Ամեն բան պետք է արվի հիմա և այստեղ: Սա երջանիկ կյանքի ամենագլխավոր գաղտնիքներից մեկն է:
Մի լսիր նրանց, ովքեր քեզ կասեն, թե չես կարող: Միշտ կենտրոնացիր այն մտքի վրա, որ կարող ես: Մտածիր դրական: Ամեն առավոտ ասա ինքդ քեզ, որ այսօր լինելու է լավագույն օրը քո կյանքի:
Մի վախեցիր անհաջողությունից, գործի՛ր: Սկսելը միշտ էլ դժվար է: Բայց եթե չձեռնարկես քո երազանքին հասնելու քայլեր, ապա դա այդպես էլ կմնա՝ որպես երևակայություն: Մի սպասիր իդեալական պայմանների, սկսիր գործել: Չեն լինում քրոնիկ հաջողակներ կամ անհաջողակներ, ուղղակի որոշները մյուսներից ավելի լավ են նկատում ընձեռնված հնարավորությունը և օգտվում են դրանից:
Վերապրած անհաջողությունից կախվել չի կարելի: Ավելի լավ է հարցնես ինքդ քեզ. ինչպե՞ս կարող եմ օգտագործել այս իրավիճակը, ի՞նչ այն սովորեցրեց ինձ, ինչպե՞ս վարվել, որպեսզի այն իմ օգտին շուռ գա: Անհաջողությունը կարող է օգտակար փորձ դառնալ, որը կօգտագործեք հետագայում:
Следующая публикация
Нет комментариев