Предыдущая публикация
Молитвы о умножении любви и искоренении ненависти и всякой злобы
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Тропарь, глас 4
Союзом любве апостолы Твоя связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, едине Человеколюбче.
Кондак, глас 5
Пламенем любве распали к Тебе сердца наша, Христе Боже, да тою разжизаеми, сердцем, мыслию же и душею, и всею крепостию нашею возлюбим Тя, и искренняго своего яко себе, и повеления Твоя храняше славим Тя, всех благ Дателя.
АПОСТОЛ зачало 72 (1 Ин. 3, 11 - 24)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Возлюбленнии, всяк не творяй правды несть от Бога, и не любяй брата своего. Яко се есть завещание, еже слышасте исперва, да любим друг друга, не якоже Каин от лукаваго бе и закла брата своего. И за кую вину закла его? Яко дела его лукава беша, а брата его праведна. Не чудитеся, братие моя, аще ненавидит вас мир. Мы вемы, яко преидохом от смерти в живот, яко любим братию, не любяй бо брата пребывает в смерти. Всяк ненавидяй брата своего человекоубийца есть, и весте, яко всяк человекоубийца не имать живота вечнаго в себе пребывающа. О сем познахом любовь, яко Он по нас душу Свою положи, и мы должни есмы по братии душы полагати. Иже убо имать богатство мира сего, и видит брата своего требующа, и затворит утробу свою от него, како любы Божия пребывает в нем? Чадца моя, не любим словом ниже языком, но делом и истиною. И о сем разумеем, яко от истины есмы, и пред Ним смиряем сердца наша, зане аще зазирает нам сердце наше, яко болий есть Бог сердца нашего и весть вся.Возлюбленнии, аще сердце наше не зазрит нам, дерзновение имамы к Богу. И егоже аще просим, приемлем от Него, яко заповеди Его соблюдаем, и угодная пред Ним творим. И сия есть заповедь Его, да веруем во Имя Сына Его Иисуса Христа и любим друг друга, якоже дал есть заповедь нам. И соблюдаяй заповеди Его, в Нем пребывает, и Той в нем, и о сем разумеем, яко пребывает в нас, от Духа, Егоже дал есть нам.
ЕВАНГЕЛИЕ ОТ ИОАННА зачало 46. (13, 32 - 36)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Рече Господь Своим учеником: ныне прославися Сын Человеческий, и Бог прославися о Нем. Аще Бог прославися о Нем, и Бог прославит Его в Себе, и абие прославит Его. Чадца, еще с вами мало есмь: взыщете Мене, и якоже рех иудеем, яко аможе Аз иду, вы не можете приити, и вам глаголю ныне. Заповедь новую даю вам, да любите друг друга: якоже возлюбих вы, да и вы любите себе. О сем разумеют вси, яко Мои ученицы есте, аще любовь имате между собою.
Следующая публикация
Нет комментариев