Предыдущая публикация
Мухаммад Юсуф...
Лолақизғалдоқ...
Мендан нима колар?! Икки мисра шеър,
Икки сандик китоб, бир уюм тупроқ.
Одамлар ортимдан нима деса дер,
Мен сени ўйлайман ўзимдан кўпрок,
Лола, лолажоним, Лолақизғалдоқ!
Мен кетсам, ёмондан йироқ бўл оху,
Чунки сен чиройли, кўркли бир жувон.
Ёмон кунлар бир кун яхши бўлaру,
Ёмон одам яхши бўлмас ҳеч қачон.
Яша чегарада тургандек огох,
Лола, лолажоним, Лолақизғалдоқ!
Уйда ётибману, сезиб турибман,
Кўкда кетаётир қушлар қайтишиб.
Ҳайрлар ёғдириб қанотларидан,
Ҳаста шоирига видо айтишиб.
Бор, мен учун ҳам уларга қўл қоқ,
Лола, лолажоним, Лолақизғалдоқ!
Уларни мен яна кўраманми-а?!
Айвондан одамдек кузатолмадим.
Куз...Тўйлар бошланди...юрагим пора,
Битта қизимни ҳам узатолмадим...
Демак, тақдир экан тўй кўрмай ўлмок,
Лола, лолажоним, Лолақизғалдоқ!
Бирок, кўнглим сезар, мендан кейин ҳам,
Бир кун бу ҳовлига одам тўлади.
Ҳали тўйлар қилиб чарчайсан, эркам,
Менинг қизларим энг бахтли бўлади!
Келинлар кўйлаги рухимдай оппоқ,
Лола, лолажоним, Лолақизғалдоқ!
Ўғлим, яқинрок кел, қара, не савдо,
Бу ажиб ишларни дил лавҳига ёз.
Кимга қаср етмас, кимга мол-дунё,
Менга эса ҲАВО етмайди ҳолос.
Тириклар мудроқда, ўликлар уйғоқ,
Лола, лолажоним, Лолақизғалдоқ!
Кўксим куйиб борар, кўкрак ёнмокда,
Айтинг докторларга ёришса, ёрсин!
Жисм ўз улфати жондан тонмокда.
Бечора жон энди қаерга борсин.
Энди осмон йироқ, энди ер юмшоқ,
Лола, лолажоним, Лолақизғалдоқ!
Буни ҳаёт дерлар унутма асло.
Бир кун очиласан бир кун сўласан.
Қалбимда-ку фақат сен эдинг танҳо,
Қабрим устида ҳам ўзинг бўласан.
Сен бизнинг севгидан хотира , байрок,
Лола, лолажоним, Лолақизғалдоқ!
Аёл қалбинг билан сув кеч, олов кеч.
Ғам келса бошингдан ҳушинг учмасин.
Худодан сўрадим мендан кейин ҳеч,
Номард кимсаларга ишинг тушмасин.
Уларнинг қўлида ҳамиша тузоқ,
Лола, лолажоним, Лолақизғалдоқ!
Ишинг тушса, иним Муҳаммадга бор,
Шоирлар ичида ишонганим шу.
Бироз ичишини айтмаса агар,
Кўкси тиниқ бола ҳалол бола у.
Фақат сал соддароқ, фақат сал ёшроқ,
Лола, лолажоним, Лолақизғалдоқ!
Жон сўнгги бошпана топаркан онгда.
У юрак остида дердим мен бўлсам.
Ажабланма агар эртага тонгда,
Сени ўпиб ўзни қучоқлаб ўлсам!..
Ўтинчим,тепамда йиғлама узоқ,
Лола, лолажоним, Лолақизғалдоқ!
Lolaqizg'aldoq
Mendan nima qolar:
Ikki misra she’r,
Ikki sandiq kitob,
Bir uyum tuproq.
Odamlar ortimdan
Nima desa der,
Men seni o`ylayman
O`zimdan ko`proq –
Lola, lolajonim,
Lolaqizg`aldoq!
Men ketsam, yomondan
Yiroq bo`l, ohu,
Chunki sen chiroyli,
Ko`rkli bir juvon.
Yomon kunlar bir kun
Yaxshi bo`lar-u,
Yomon odam yaxshi
Bo`lmas hech qachon…
Yasha chegarada
Turgandek ogoh,
Lola, lolajonim,
Lolaqizg`aldoq!
Uyda yotibman-u,
Sezib turipman,
Ko`kda kelayotir
Qushlar qaytishib.
Xayrlar yog`dirib
Qanotlaridan,
Xasta shoiriga
Vido aytishib.
Bor, mening uchun ham
Ularga qo`l qoq –
Lola, lolajonim,
Lolaqizg`aldoq!
Ularni men yana
Ko`rarmanmi-a,
Ayvondan odamdek
Kuzatolmadim.
Kuz. To`ylar boshlandi.
Yuragim pora –
Bitta qizimni ham
Uzatolmadim…
Demak, taqdir ekan
To`y ko`rmay o`lmoq,
Lola, lolajonim,
Lolaqizg`aldoq!
Biroq, ko`nglim sezar,
Mendan keyin ham,
Bir kun bu hovliga
Odam to`ladi.
Hali to`ylar qilib
Charchaysan, erkam,
Mening qizlarim eng
Baxtli bo`ladi!
Kelinlar ko`ylagi
Ruhimday oppoq –
Lola, lolajonim,
Lolaqizg`aldoq!
O'g'lim, yaqinroq kel,
Qara, ne savdo,
Bu ajib ishlarni
Dil lavhiga yoz:
Kimga qasr yetmas,
Kimga mol-dunyo,
Menga esa havo
Yetmaydi, xolos.
Tiriklar mudroqda,
O`liklar uyg`oq –
Lola, lolajonim,
Lolaqizg`aldoq!
Ko`ksim kuyib borar,
Ko`krak yonmoqda,
Ayting do`xtirlarga,
Yorishsa yorsin!
Jism o`z ulfati –
Jondan tonmoqda.
Bechora jon endi
Qayerga borsin.
Endi osmon yiroq,
Endi yer yumshoq –
Lola, lolajonim,
Lolaqizg`aldoq!
Bunu xayot derlar,
Unutma aslo,
Bir kun ochilasan,
Bir kun so`lasan.
Qalbimda-ku, faqat
Sen eding tanho,
Qabrim ustida ham
O`zing bo`lasan.
Sen bizning sevgidan
Xotira – bayroq,
Lola, lolajonim,
Lolaqizg`aldoq!
Ayol qalbing bilan
Suv kech, olov kech,
G`am kelsa boshingdan
Xushing uchmasin.
Xudodan so`radim:
Mendan keyin hech,
Nomard kimsalarga
Ishing tushmasin.
Ularning qo`lida
Hamisha tuzoq,
Lola, lolajonim,
Lolaqizg`aldoq!
Ishing tushsa, inim
Muhammadga bor,
Shoirlar ichida
Ishonganim shu.
Biroz ichishini
Aytmasa agar,
Ko`ksi tiniq bola,
Halol bola u.
Faqat sal soddaroq,
Faqat sal yoshroq,
Lola, lolajonim,
Lolaqizg`aldoq!
Jon so`ngi boshpana
Toparkan ongda,
U yurak ostida
Derdim men bo`lsam.
Ajablanma agar
Ertaga tongda
Seni o`pib, O`shni
Quchoqlab o`lsam!..
O`tinchim – tepamda
Yig`lama uzoq,
Lola, lolajonim,
Lolaqizg`aldoq!
Следующая публикация
Комментарии 22