Предыдущая публикация
Бӯҳрони Ховари Миёна натиҷаи сиёсатҳои шикастхурдаи Амрикост
Намояндаи доимии Русия дар Созмони Милал дар ҷаласаи шаби гузашта дар Шӯрои Амният таъкид кард, ки шиддат гирифтани бӯҳрон дар Ховари Миёна натиҷаи ҳимояти низомӣ ва байналмилалии Иёлоти Муттаҳида аз Исроил ва сиёсати нокомшудаи ин кишвар дар минтақа мебошад.
Ба гузориши хабаргузории «ТАСС», Василий Небензя, намояндаи доимии Русия дар Созмони Милал, бар ин назар аст, ки ташдиди бӯҳрон дар Ховари Миёна натиҷаи сиёсати нокомшудаи Амрикост.
Ин дипломати рус дар ҷаласаи шаби гузашта дар Шӯрои Амнияти Созмони Милал, ки ба Ховари Миёна ихтисос дошт, изҳор дошт: «Амалиёти низомии Исроил то кунун аз ҳимояти беқайд ва шарти Вашингтон бархӯрдор буд ва воқеан, ин сиёсати нокомшудаи Амрикост, ки ба бӯҳрони кунунӣ мунҷар шудааст, ки дар он тамоми минтақаи Ховари Миёна, мардумони ғайринизомии он ва нерӯҳои ҳофизи сулҳ ҳузур дошта, таҳти таъсир қарор гирифтаанд».
Небензя инчунин қайд кард, ки мақомоти Исроил, ки аз «ҷанг дар ҳафт ҷабҳа» сухан мегӯянд, аз ҳимояти низомӣ ва байналмилалии Амрико бархӯрдор ҳастанд.
Чанд рӯз қабл, Пит Ҳегест, номзади мавриди назар барои мақоми Вазорати дифои Амрико дар ҳукумати Доналд Трамп, ваъда дод, ки бо оғоз ба кори ҳукумати раисиҷумҳури мунтахаб, аҳдоф ва стратегияҳои Амрико дар Ховари Миёна бозбинӣ хоҳанд шуд. Вай ҳамчунин ёдовар шуд, ки Трамп мудохилаи Амрико дар умури Сурияро мамнӯъ карда буд. https://tajikpress.com/2025/01/18/%d1%80%d1%83%d1%81%d0%b8%d1%8f-%d0%b0%d0%bc%d1%80%d0%b8%d0%ba%d0%be-%d1%85%d0%be%d0%b2%d0%b0%d1%80%d0%b8-%d0%bc%d0%b8%d1%91%d0%bd%d0%b0/
Следующая публикация
Нет комментариев