ШУНЧАКИ СЕВМАНГ

Ёлғондан ширин бол сўзлар керакмас
Алдаманг алдоқчи кўзлар керакмас,
Билинг чин севгида бўлмас эътироз,
Шунчаки севсангиз севманг илтимос.
Тоғлар лола билан, боғлар гул билан,
Ошиқлар севишгай ёниқ дил билан,
Чин севги ўлчанмас тилло, пул билан.
Шунчаки севсангиз севманг илтимос.
Орзулар ярашгай армони билан,
Қуёш ҳам чароғон осмони билан,
Муҳаббат гўзалдир ҳижрони билан,
Шунчаки севсангиз севманг илтимос.
Ёлғончи ҳисларда юзингиз буринг,
Чин севиб ошиқлик гаштини суринг,
Севсангиз юракдан ёниблар севинг,
Шунчаки севсангиз севманг илтимос.
Хуршид Карим