Предыдущая публикация
Ўзинга хос
Нозларинг жаҳон,
Қора сочинг, ҳушим ўғриси.
Қора қошда тортилган камон,
Жон олмоққа шайдир тўғриси.
Кўзларингда чақмоқлар жанги,
Ҳаяжондан қабоғлар таранг.
Товушларинг сойнинг оҳанги,
Яноғингда олма берган ранг.
Кулгучларинг, балқиган қуёш,
Дудоғларинг очар ғунчалар.
Қарашларинг ёқимли сирдош,
Лол қотади ақлим бунчалар.
Қадди~бастинг, мавжланган уммон,
Жилосида ғарқ бўлар дилим.
Нигоҳларинг урганда нишон.
Чўғ босилар кўксимга гулим.
Хаёлларим кетсанг етаклаб,
Эсдан оғиб кетгим узоққа.
Ўзга келсам аранг амаллаб.
Дош беролмам дардли титроққа.
Интиқ қилиб ўтсиз куйдирма
Вужудимда мингта кўз ўнди.
Ҳур кўнглимни сўзсиз ўйдирма,
Оғриғига мушдек гўшт кўнди.
Ўзинга хос
Нозларинг жаҳон.
Қора сочинг ҳушим ўғриси.
Следующая публикация
Нет комментариев