Предыдущая публикация
Гукi музыкi пачую
I пайду на танец я.
Мо, знайду, нарэшце, тую,
Доля будзе што мая?
Спадабалася дзяўчына,
Вочы сорамна ёй ўзняць,
Сэрца кажа мне няспынна:
Запрасi патанцаваць!
За руку яна ўзялася,
Я за стан стаў абдымаць,
I пяшчота палiлася,
Не магу яе ўтрымаць.
Танец нас па зале кружыць,
Я саромлюся сказаць:
«Падабаешся мне дужа,
Аж хачу пацалаваць!»
Сэрца побач з сэрцам б'ецца,
Нам зусiм не трэба слоў,
Бо абодвум так здаецца:
Пачынаецца любоў.
Разам мне прыемна з ёю,
Запрашаць жадаю зноў,
Будзе любаю маёю,
Бо пачалася любоў!
Анатоль Балуценка.
2.10.1992
Присоединяйтесь к ОК, чтобы подписаться на группу и комментировать публикации.
Нет комментариев