Предыдущая публикация
_____________________________________
Юраклар талпиниб бир- бирларига,
Орзулар ортидан, самога етдик.
Чидолмай тақдирнинг қийноқларига,
Иккимиз, икки ён айрилиб кетдик.
Осмонга, термулиб хаёл сураман,
Ичдаги дардимни айтмай юраман.
Тақдирим айирди, кӯнгли яраман,
Иккимиз, икки ён айрилиб кетдик.
Кӯздага ёшимни, ёмғирлар артар,
Лек дилда доғим бор, йиғидан баттар.
Мен эмас! Ӯзгази бахтга элитар,
Иккимиз, икки ён айрилиб кетдик.
Соғинган юрагим хар- кун эзилиб,
Қонли ёш оқмоқда тизиб, тизилиб.
Тунлари йӯқлигинг қалбга сезилиб,
Иккимиз, икки ён айрилиб кетдик.
Тонг сахар уйғониб, сухбат қуришиб,
Атайлаб жиғинга тегиб, уришиб.
Шу туйғу ортидан, хаёл суришиб,
Иккимиз, икки ён айрилиб кетдик.
Мухаббат изидан, қувиб, қувлашиб,
Тунларни, тонгларга улаб, улашиб.
Мен сенга, сен менга бахтлар тилашиб,
Иккимиз, икки ён айрилиб кетдик.
Орзунинг ортидан, армон кетмади,
Ким етди? Бахтига кимлар етмади?
Бу тақдир хатоси, бахтли этмади,
Иккимиз, икки ен айрилиб кетдик.
Следующая публикация
Комментарии 7