Предыдущая публикация
Ай замӯна ту бас му зорq wрех',
Му зах'миярд ту бас намак преx'
Аз бииx'тат ту му софаg зwост,
Му ачга тар дузаh му макреx'
Ай замӯна тунд ачаg вафо нист,
Туйат бе ғамат дусаg парwо нист.
Wузта фақат йиwagик вафо кнум,
Тута фақат мурд ҷабрат ҷафо кн.
Туйат аввал му х'аситан вирух'т.
Туйат му зорg чед қатӣр х'чух'т.
Ниwдумат Хуqoй хезум ят ба дод,
Наанҷам дигарга тунд ту пух'т.
Татта wуз лӯвумат лап х'карум,
Татта wуз лӯвумат ҷӯн ба сарам.
Татта нистат му хез qуст нист,
Тата wуз лӯвумат охир марум.
Булбул садо мурд арранг зоғ дwих'т,
Гулен наво мурд траq ар боғ дwих'т.
Сутум wуз лап безор аз мам зиндаг'
Му нафас танг ар му димоғ дwих'т.
Ай замӯна ту ачаg дис мачу&ҷ,
Ту му вродбуц аз му мапарчуwҷ,
Вуд йу му ҷӯнанд йиwаg армӯн,
Ту му армӯн аз му ҷӯн матидуwҷ.
Ноумеq дар ройи йи байум ред,
W ғаманд йи умр хафайум ред.
Лум Хуqой w ҷойтӣр зохч му ҷӯн,
Ниwдумат йи умр агайум ред.
W зирётенен йи умр сағӣр ред,
Азор афсус татик сит п бӣр ред.
Дигаен фукаgик хуш татқатӣр,
Туйд qуд п осмӯнат чидӣр ред.
Лӯдам w пуцта w них'ӯнта рист,
Сута йу ғулла w йи ҷӯнта рист.
Азор афсӯс фукаgик бо бод сут,
Ёш татат пуц ру п осмӯнта рист.
Чуд йу мам дунётӣр гул баоранд,
Вуд йу сар хушрӯй гул йи гулзоранд.
Бевафо дунё аз гулзоранд w чинт,
Ред w нӯм них'ӯн йи жӣр мазоранд.
Замӣн нага сер аз одамӣн сӯд,
Осмӯн нага аз ру дус бе&ӣн сӯд.
Ната сер заминат осмӯн сен,
Замӣн рухӣта оқибат х'ин сӯд.
Давлат арай тов мудат зинда сут,
Вуд тар wам дунёят вога ага сут.
Qу дунётӣр йи ёвар Хуqой дӯнд,
Вога якборга Хуqой банда сут.
. 10.06 2024.
. Маскоw
. Давлати Мамад.
Следующая публикация
Нет комментариев