Предыдущая публикация
Адашкан җаннар.
(Заблудшие души.).
Хикәя. Булган хәл.
"Безнең җаннарыбыз җиһаннарда кавыша да җиргә аерым килгәч үзенең парын эзли, бик сирәге таба, таба алмаганнары адаша, шулай җаннарыбыз адашмасын иде..."
Мөхәббәт ул Аллаһның әдәм баласына бирелгән бер рәхмәтедер...
Балам тор инде мәктәпкә барырга вакыт җиткән бит...(Әниемнең сүзләре)...
Тиз генә мәктәп формасын киеп портфелен эләктереп Ильнур мәктәпкә ашыкты,анда аны иптәшләре дуслары күптән көтә бит. Алда аны бик күп белем дөньясы яңа дәресләр көтә...
Мәктәп Ильнурны үзенә тарта бит анда дуслары иптәшләре генә түгел, дөресендә аны бик тарта иде бит, алгы партада утырган бәләкәй буйлы нәзек гәүдәле икегә үрелгән чәчләрендә ак бантиклар белән мәктәп формасына ак алъяпкычына төшеп торган кызыкай иде.
Бу кызга Ильнур күзен алмый озак карап торорга да риза иде бит, тик класста алар икәү генә түгел бит, ә бүтәннәр күреп калса ни булыр...
Ильнур үзе өчен түгел Айгуль өчен бигрәк тә курка бит, классташлары сизеп калсалар күз дә ачтырмаслар, ирештереп елатып бетәрләр иде шушы нәзберек нечкә күңелле кызыкайны...
Эх нинди матур һәм бәхетле мәктәп еллары... Дәресләр, шатлыклы тәнәфесләр...
Кай вакытта Айгуль белән Ильнурның карашлары очраша иде, бу караш, бу күзләр Ильнурның йөрәгендә мәңгелек эзләр калдырдылар бит...
Менә шулай яшь йөрәктә мөхәббәт утлары дөрләп янып та китте, җаннар бер берсен тапты бит...
Ильнур Айгульның карашында аңа булган кызыксынуны күрде шул вакытларда инде Ильнур үзен бик тә бәхетле итеп сизде...
Ильнурга шушы кечкенә кызыкай җир йөзендә бер генә һәм аның өчен иң кадерле кше иде...
Дәресләр бетеп барсы да класстан чыгып киткәч тә Ильнур үз урынынан торып Айгульнең партасына утыра иде куллары белән парта такталарын сыйпап үтә иде... Монда бит Айгульнең куллары тигән шушы урынга ул кара савытын утырткан , монда инде перолы ручкасын куйган...
Ильнурга шушы кечкенә кызыкай бер дә җитешсезлекләре булмаган әүлия, фәрештә кебек иде бит...
Үсә төшкәч инде Ильнурда тагы да ныграк ярату хисләре уянды ул үзе дә аңлады аның уйларында, йөрәгендә Айгуль иде бит.
Тик ул үзенең Айгульга булган яратуын белдерә алмыйча күңел төшенкелеге кичерде...
Төрле вакытлар булды, бергә уйнап бергә йөрегән, тик Айгульнең үзен генә аулак җирдә туктатып, үзенең йөрәген ярып салырга батырчылыгы җитмәде Ильнурның...
Авылда тик 8 класслы мәктәп булып инде сигезне беткәч классташлар төрле якларга таралыштылар, кемнәрдер уку йортларына кереп карарга өмет итте кемнәр күрше авылларга тугызынчы класста укуын дәвам итәргә булды...
Ильнур да Авыл хуҗалыгы техникумына керергә сынау үтеп карады тик русс теле язма имтиханын бирә алмады... Бу имтихан баребер киләчәктә кирәк булды бит...
Айгуль исә теләгән уку йортына имтиханнарын уңышлы биреп барып та керде...
Ә Ильнур инде күрше авылда тугызынчы сыйнфта укуын дәвам итте...
Айгуль белән Ильнур бер аз хат та алыштылар бит ник шунда үзләренең хисләрен белдерә алмадылар икән соң... Айгуль Ильнурга үзенең фотографиясен дә бүләк итте бит, тиккә генә булмаган бит ул, моны Ильнур аңламады шикелле...
Инде мәктәпне тамамлап хезмәттә кирәк булачак диеп бер профессия дә алды ул... Язын инде Ильнурны армия сафларына да алдылар...
Юк инде Ильнурның армиягә киткәндә елап озатып калган кызы булмады тик күкрәк кесәсендә Айгульның фотографиясе...
Айгуль белән хат белән аралашса да бер юаныч булыр иде хезмәте җиңелрәк булыр иде, тик Айгульның адресы булмавыдыр инде... Икенче елга киткәндә Айгуль эше буенча инде практикада иде район үзәгендә... Йөрегән егете дә юк иде бит...
Эх яшь чаклар, шундый чибәр кызга егетләр карамыймы соң , яшлек бит ул үзе сокланырлык матур чаклар...
Айгульны да таныштырдылар армиядән кайткан бер егет белән... Егетнең нияте тизрәк өйләнергә булып мы алар тиздән инде ЗАГС та булдылар... Яшь гаилә барлыкка килде, тиздән инде малайлары туды... Айгуль шул район үзәгендә һөнәре буенча бик тырышып эшли башлады...
Ильнур бу хәбәрне икенче ел хезмәтендә генә ишетте әнисенең хаты аша...
Ни эшлисең бит күрәсең яратканын тапкандыр дип уйлады ул, тик күңелендә әйтеп була алмаслык әрнү, сагыш иде ...Ул бит Айгуль белән җитәкләшеп тә йөремәде кочаклашу, үбешү турында сүз дә юк инде... Ильнур моны үзенең җавапсыз калган мөхәббәтем дия иде...
Армиядан соң Ильнур белемен арттырып профессия алгач башы белән эшкә чумды... Инде үзенең тормошына килгәндә ул да бик төшеп калган егетләрдән түгел иде, аның тирәсендә чибәр кызлар да байтак иде бит, тик йөрәгенә ятканы гына булмады. Ильнур Айгульны яраткан кебек бүтән хатын-кызларны ярата алмады шул... Шулай да дискотекада бер кыз белән танышып бик якынлашып дисәм аңларсыз инде өйләнешергә булдылар...
Аларның да малайлары туды...
Гөмеребез сукмаклары бормалы һәм катлаулы булсада тиз генә үтә дә китә икән ул...
Менә шулай ярты гасыр үтеп тә киткән... Инде Айгуль иптәше белән ике малай тәрбияләп үстереп, аларны укытып, олылар әйтмешли башлы күзле итеп аерым тораклар да булдырырга ярдәмләштеләр... Инде оныклары да аларны бик шатландырып кына торалар...
Ильнур да нәк шулай ук ике малай үстереп аларны укытып башлы күзле итеп аерым торакларын булдырдылар эшләгән эшләре дә яхшы, оныклары да тик күңелгә шатлык кына өстиләр бит...
Хәзерге вакыт үзегез беләсез техник прогресс вакыты бит телефоннан күрешәбез, сөйләшәбез, хатлар язышабыз...
Ильнур белән Айгуль да шул телефон аша инде элемтәгә кердедәр, Аллаhның рәхмәте... Ильнур инде ни булса шул булыр Айгуль башка сукмас әле диеп үзенең ярты гасыр йөрәгендә саклап килгән ярату хисләрен белдерергә булды...
Айгуль син беләсеңме мин бит сине беренче класстан бирле яраттым...!
Әле дә яратам...!
Айгульның йөрәгенә әллә ни булды... Капыл уянып киткәндәй булды... Ул да үзенең Ильнурны яратканын белдерде... Мин дә бит сине генә яраттым...! Әле дә бик яратам...! Хисләр ургылып чыктылар йөрәктән... Бәгърем...! Сөеклем...! Бердән берем...! Яратам...! Күзләр яшләнде... Ничек соң болай булды бу кырыс язмыш...Күрәсең алар мөхәббәттә шушы ярату хисләренә бик тә сусаганнардыр ярату сүзләрен ишетмәгәннәрдер...
Ярты гасыр пыскып янган учак яңадан дөрләп янып та китте...
Ярату хисләрен тыярлык түгел иде бит аралар ерак булса да...
Мин бер дә әйтә алмыйм инде бу адашкан җаннарның язмышлары ни белән бетүен...
Әгәр инде алар үзләренең иптәшләре белән икәү генә, күршеләр кебек көн күргән булсалар...
Бәлки үзегез бу адашкан җаннарның киләчәген язып калдырырсыз...
Сез ничек уйлыйсыз... Бу җаннар бергә кушыла алырлармы икән...
Ильнур белән Айгульда шуларны беләселәре киләдер диеп уйлыйм...
Исемнәре үзгәртелгән.
Уфа. 2024 ел.
Искандер Бек.
Следующая публикация
Комментарии 1