Предыдущая публикация
стихотворная тема..
.. и тп.))
Шовданна lиндагl дан ножан дитт оьшу,
Кошанна упха ян ножан дитт оьшу,
Доллучу дуьненна дашо малх оьшу,
Цхьа адам ирсе дан кхин адам оьшу.
Кlорга ду боху ахь Нохчийчохь lаьмнаш,
Лекха ду боху ахь Нохчийчохь лаьмнаш,
Мерза ду боху ахь лулахойн кхаьънаш,
Шорта бу боху ахь хьо йовза хьаьгнарш.
Бlаьргашца са кlамдар дац хьуна хьастар,
Амалшца са даар дац хьуна хьастар,
Делахь а бу хьуна илланчин хастам,
Ца хилча ца далахь, хилийта къастар.
Да воцчу кlентан а дог лозу хьуна,
Стаг воцчу стеган а дог лозу хьуна,
Амма кху дахарехь ца нисло хьуна,
Тlекхаьчча, адамо ловр доцуш хlума.
Стогалла амалшна ца хуьлу говза, -
Мел чlогlа хьаьгнехь а деза дог довза,
Цундела воьду со, lодика йойла,
Декъала хуьлда-кха къастаран ойла.
Цхьаъ бен дац стиглахь Ча Такхийна Тача,
Цхьа а вац ницкъ кхаьчнарг цунна тlе кхача,
Даггара боху ас, сатийсам кхачош:
Декъаза хуьлда-кх со, хьо бен ирс дацахь.
Бисултанов Апти
Следующая публикация
Комментарии 214
дагах безам тегнаберг.
Дашо тайца мехий дахарх,
дог хир дац сан хьалха дерг.
Хьан багара мел даьлла дош,
Органал а даьржина...
Сан синтем а хьайца дlахьош,
Дохк санна хьо йаьржина...
Ас хьан кевнехь кехат дити,
тlулга буха диллина.
Кехат санна безам бити,
цу тlулга тlехь биллина.
Минцаев lальви
Айса и йоьхкур ас хьоьга ца хьоьжуш.
Нагахь сох синцамгар хьакхалахь, доттагI,
Хаалахь, хьайн дешан дарба дуй оьшург.
Шахабов СС
йукъал тlехделира и.
Ткъа хlинца шадерриг деза сан хийца,
Турпалхо хаьржина кхин.
Ас дилла долийра къайллах хьан сурт а,
иза чекх ца дели кхин.
Цунна тlе бос лоьхуш теллира юрт ас,
хьан бlаьргийн бос хилла и.
Минцаев lальви