Предыдущая публикация
Կանչի’ր ինձ շշուկով
Կանչի’ր անունս այսօր շշուկով,
Կանչի’ր քեզ տանջող անկեղծ կարոտով,
Ու կգամ քեզ մոտ՝ անխոս ու խոնարհ,
Կգրկեմ նրբորեն ու սիրով անմար:
Թո’ղ շուրթերդ այսօր իմ անունը տան,
Թո’ղ հոգիս այսօր քնքշորեն գթան,
Եվ սիրտս կլսի քո ձայնը՝ հնչող,
Կլսի քո սրտին՝ ինձ իր մոտ կանչող:
Ես գիտեմ՝ կլինի հանդիպումը մեր,
Եվ աստղերը կցոլան անսահման մեծ սեր,
Կփարվեմ քո գրկին՝ կարոտից տանջված,
Կհպվեմ շուրթերիդ՝ քո սիրուց արբած:
Ու կտամ քեզ երդում՝ հավիտյան սիրո,
Կդառնամ հեքիաթային ասպետը քո,
Կնայեմ աչքերիդ ես՝ սիրով լեցուն,
Որ դու հավատաս իմ անկեղծ սիրուն:
#Լի
Աղվան Հարությունյան
@все
Следующая публикация
Комментарии 3