«Мо бояд меҳру муҳаббат ва тамоми ҳастии худро ба он равона созем, то мардуми шарифи мо дарк намояд, ки артиши қобили ҳифзи марзу буми
осоишта барад».
Эмомалӣ Раҳмон
Вақте ки дар бораи истиқлолият - ҳамчун дастоварди бузург сухан гуфта мешавад, беихтиёр рукнҳои давлатдории миллӣ пеши назар меоянд. Артиши миллӣ низ яке аз рукнҳои асосии давлатдорӣ дар пойдории амнияти кишвару миллат нақши басо муҳим дорад. Артиши миллии Ҷумҳурии Тоҷикистон давоми мавҷудияти худ такмилу рушд ёфта, имрӯз ба як неруи эътимодбахш табдил ёфтааст. Дар муддати начандон тӯлонӣ ҷузъу томҳои неруҳои мусаллаҳи кишвар аз ҷиҳати техникӣ мукаммалу пуриқтидор гардида, тайёрии ҳарбию сиёсии афсарону низомиён баланд бардошта шуд. Албатта, аҳамияти Қувваҳои Мусаллаҳи Ҷумҳурии Тоҷикистон барои нигаҳдории якпорчагии мамлакат хеле бузург буда, дар ин раванд ҷавонон нақши бориз доранд. Артиши миллии Тоҷикистон, ки 23-юми феврали соли 1993 таъсис ёфтааст. Асосогузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳанӯз дар суханрониашон дар чорабинии тантанавӣ ба ифтихори 30-солагии таъсисёбии Қувваҳои Мусаллаҳи Ҷумҳурии Тоҷикистон чунин таъкид дошта буданд: «Мо ин ниҳоди муҳимми давлатиро дар як муддати кутоҳ амалан дар ҷойи холӣ таъсис додем. Мо на Вазорати мудофиа доштем, на иншооти инфрасохторӣ, на заминаи зарурии моддиву техникӣ ва на мутахассисону кадрҳои касбӣ».
Бо шарофати соҳибистиқлолии кишвар ҷавонони зиёд дар дохили мамлакат ва берун аз он дар донишгоҳҳои ҳарбӣ таҳсил карда, маҳорати баланди касбӣ азбар намудаанд. Ҳамин аст, ки дар сафҳои неруҳои мусаллаҳ асосан кадрҳои ҷавону бомаҳорат хизмати халқу Ватанро содиқона ба ҷо меоранд. Қобили зикр аст, ки аз рӯзҳои аввали ба даст овардани Истиқлоли давлатӣ Ҳукумати Тоҷикистон новобаста аз вазъи мураккаби сиёсӣ ва мушкилоти зиёди иқтисодиву молиявӣ ба таъсиси Артиши миллӣ ва тайёр намудани кадрҳои баландихтисоси низомӣ диққати махсус зоҳир намуд. Ниҳоди қудратӣ дар муддати нисбатан кӯтоҳи таърихӣ мавқеи хосаро соҳиб шуд. Албатта, дар инкишофи ҷузъу томҳои неруҳои мусаллаҳ, баланд бардоштани маҳорати ҳарбию сиёсӣ саҳми ҷавонони шуҷоъ низ назаррас аст. Фарзандони содиқу ватандӯсти кишвар бо мақсади арҷ гузоштан ба музаффариятҳои давлати соҳибистиқлолӣ, таърихи аҷдодӣ, ҳамасола 23-юми февралро чун рӯзи Артиши миллӣ бо ёдоварӣ аз нақши ин ниҳоди қудратӣ дар таъмини сулҳу субот ва оромии сартосарӣ дар мамлакат таҷлил менамоянд. Таҷлили рӯзи Артиши миллӣ бори дигар ҳар як ҷавони баору номуси Ватанро водор менамояд, ки барои хизмат дар сафи Қувваҳои мусаллаҳ бетараф набошанд. Мавриди зикр аст, ки роҳбарияти давлату Ҳукумати Ҷумҳурии Тоҷикистон бо мақсади фароҳам овардани шароити мусоид барои хизматчиёни ҳарбӣ, баланд бардоштани сатҳи дониши низомии онҳо таваҷҷуҳи махсус зоҳир менамояд. Имрӯз шароити хизмат дар қисмҳои ҳарбӣ нисбат ба солҳои қабл бамаротиб беҳтар гардида, ҷавонони далеру шуҷои миллат сарбаландона адои хизмат мекунанд. Чуноне, ки Асосогузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: «Имрӯз бо ифтихор изҳор менамоям, ки хизматчиёни ҳарбии Қувваҳаои Мусаллаҳ аз уҳдаи иҷрои рисолати таърихии худ дар назди давлат ва халқи Тоҷикистон бо сарбаландӣ баромаданд. Давлат ва мардуми Тоҷикистон дар симои хизматчиёни Қувваҳаои Мусаллаҳ ҳомиёни боэътимод ва муҳофизони далеру шуҷои марзу буми Ватанро мебинанд».
Дар ҳар як қисми низомии Қувваҳои Мусаллаҳи Ҷумҳурии Тоҷикистон «Хонаи дидорбинии волидон» сохта, ба истифода дода шудааст, ки дар онҳо барои падару модарон ва пайвандони аскарон шароити мусоид фароҳам гардидааст. Дар баробари ин ҳама, ҷавонони ҷасуру далер, худшиносу ватандӯстро месазад, то неруву тавоноии худро барои ҳифзи марзу буми аҷдодӣ равона намоянд. Ҷавонон барои дар сафи Қувваҳои мусаллаҳ хизмат кардан таваҷҷуҳи зиёд доранд. Албатта бештар гардидани таваҷҷуҳи ҷавонон буд, ки шумораи ихтиёриён дар сафи Қувваҳои Мусаллаҳи Ҷумҳурии Тоҷикистон бештар гардид. Ҳамчунин, давоми солҳои соҳибистиқлолӣ бо таваҷҷуҳи бевоситаи Ҳукумати кишвар бо мақсади бо кадрҳои касбӣ таъмин намудани қисмҳои низомӣ, Литсейи ҳарбӣ, Донишкадаи ҳарбӣ, ва дигар муассисаҳои таълимӣ таъсис дода шуданд. Хизмати ҳарбӣ дар камоли ҷавонон нақши муассир дорад. Маҳз, хизмат кардан дар сафҳои Қувваҳои Мусаллаҳи Ҷумҳурии Тоҷикистон метавонад, ҳар як ҷавонро обутоб бахшад ва ба зиндагии шоиста раҳнамун созад. Ҳамин аст, ки хизмати ҳарбии ҳар як ҷавони содиқи Ватанро мардуми кишвар қадр намуда, дар ин рӯзҳои идона барояшон таманниёти нек мекунанд.
Бо баракати Истиқлолу озодӣ ва Ваҳдати сартосарӣ, шароиту имконот дар қисму воҳидҳои низомии кишвар рӯй ба беҳбудӣ ниҳода, вазъи зисту зиндагонии аскарону хизматчиёни ҳарбӣ низ беҳтару хубтар гаштааст. Дар ин баробар ҷавонони далеру шуҷои меҳан бо ҳиссӣ баланди худшиносию ватандӯстӣ баҳри арҷ гузоштан ба муқаддасоти давлати соҳибистиқлол шомили Қувваҳои Мусаллаҳи Ҷумҳурии Тоҷикистон мегарданду хизмати Модар – Ватанро сарбаландона адо менамоянд ва бадин васила саҳми хешро дар ҳифзи марзу буми аҷдодӣ мегузоранд. Хизмат дар сафҳои Қувваҳои Мусаллаҳи Ҷумҳурии Тоҷикистон масъулияти зиёд дошта, мояи ифтихори ҳар як ҷавон маҳсуб ёфта, дар замири ҳар як шахс ҳисси ватандӯстиву хештаншиносиро бештар мепарварад ва ҷавононро бо мактаби далерию мардонагӣ ошно месозад.
Валиев Давлатёр.,
коршиноси масоили сиёсӣ
Присоединяйтесь к ОК, чтобы подписаться на группу и комментировать публикации.
Нет комментариев