Предыдущая публикация
❤️
სიყვარულს არა აქვს ასაკი,
სიყვარულს არა აქვს დრო.
თუ გიყვარს სამყარო სხვა არის,-
ზაფხულშიც ფანტელი თოვს...
თუ გიყვარს ზამთარშიც ყვავიან,-
იები,არ ითვლი წამს.
მსუბუქად ღრუბლებზე დადიხარ
და მკერდით ატარებ ზღვას.
გრძნობები გერევა და მღერი:
"სიცოცხლე სიყვარულს გავს"...
ხან და ხან იმდენად რთულდები,-
ცხოვრება სიყვარულს კლავს.
სიყვარულს არა აქვს მანძილი,
სიყვარულს არა აქვს დრო...
თუ სადღაც ხსოვნათა აჩრდილი,
კვლავ მასთან დარჩენას გთხოვს.
სიყვარულს ფრთები აქვს ფასკუნჯის,
ლურჯ ზეცის მტევნებზე წევს.
სიყვარუსლ ვერაფერს დაუშლი,
თუ გიყვარს,გიყვარს და გრევს....
........................................................
სიყვარულს არა აქვს ასაკი,
სიყვარულს არა აქვს დრო.
თუ გიყვარს სამყარო სხვა არის,-
ზაფხულშიც ფანტელი თოვს.
ია ნანეიშვილი
Следующая публикация
Нет комментариев