Предыдущая публикация
გარეთ ამინდები აჭორავდნენ,
შენი ხელები მსურს ახლოს გულთან,
ისე უსაშველოდ მომიდიდდი-
ახლა თუ არ გნახე, ვეღარ ვსუნთქავ.
ღამე გავუთენე წუხელ ფიქრებს,
იქაც დარდიანებს ვთამაშობდი,
იქაც უშენობა მაგიჟებდა,
მერე გვირილებთან ვკამათობდი.
გული შევუღონე ალბათ მათაც,
ასჯერ ჩამოვფურცლე სიყვარულზე,
ასჯერ შევეკითხე - ვუყვარვართქო?
მერე კვლავ ბავშვივით გავიბუტე.
...მერე აპრილს ვთხოვე კაბის თარგი,
თმებში ენძელები ჩავიკინძე,
სად არ გეძებე და ბოლოს მაინც -
გნახავ - შენი თავი დავიფიცე!!!!
Следующая публикация
Нет комментариев