Предыдущая публикация
🍂❤️🍂
ყველაზე ტკბილი რაც კი არსებობს,
რაც ჩემს სახეზე ახარებს ღიმილს.
არავის არ ჰგავს ქვეყნად საერთოდ-
თვალები,ფერი,სურნელი შვილის.
და გულში სიღრმით,მუდმივ,უქრობად,
სიყვარულია ასე რომ ღვივის.
სიხარული კი მისი ყოლაა-
მე რომ მავიწყებს ყოველგვარ ტკივილს.
რა სურნელება ვარდის,ან იის,
რა სილამაზე შროშნის ან ტიტას...
სიცოცხლე მინდა-ვისთვისაც მიღირს,
შვილისთვის მინდა ვიცოცხლო დიდხანს!
რაა დედობა-დედებმა ვიცით,
ჩვენს შვილებს სწორი მიზანი მივცეთ.
სიტყვები მინდა ჯერაც ართქმული,
მაგრამ,ვერაფერს ვპოულობ ისეთს...
შვილების გამო,შვილებისათვის,
უნდა ვარიგო მზეები მუჭით.
წინ რომ დაუხვდეთ,გზა რომ გაუთბონ,
როცა ვიფიქრებ,რაღაც რომ უჭირთ...
იარონ უფლით,ღვთისმშობლის მადლი,
ფარავდეთ ქვეყნად ყველა სავალზე.
მათი ღიმილი და კოცნა მათი-
სასარგებლოა ყველა წამალზე!..
ია ნანეიშვილი
Следующая публикация
Комментарии 6