Предыдущая публикация
"ҚИЗИЛ АТИРГУЛ"
Узулиб, топталган қизил атиргул,
Тақдиринг чинми, ё ҳазил атиргул
Ўзингни тиконинг ўзингга санчиб,
Шум қисматдан йиғла, эзил атиргул.
Боғбони бор эди, боғи бор эди,
Ортида суянган тоғи бор эди,
Ҳар ондан шодланган чоғи бор эди,
Узулиб топталган қизил атиргул.
Ҳидлашди, сўнг эса узуб олишди,
Орзулар қасрини бузуб олишди,
Эрмак қилмоқ ишин тузуб олишди,
Узулиб топталган қизил атиргул.
Чиройи йўқолиб, сўлиб боради,
Қора армонларга тўлиб боради,
Ўзи ўз япроғин юлиб боради,
Узулиб топталган қизил атиргул.
У қўлдан бу қўлга ўтар эрта кеч,
Бир чора, бир умид кутар эрта кеч,
Кулса ишонманг, қон ютар эрта кеч,
Узулиб топталган қизил атиргул.
Следующая публикация
Нет комментариев