Предыдущая публикация
Աստված օրհնի բոլորիս։ Թող օրհնված ու զորեղ սերունդներ ծնվեն ու օրհնված լինեն իրենց յոթ սերունդներով.
մենք էլ փառք տանք Աստծուն մեր ոսկեղենիկ սերունդների համար։ Թող մեր մայր հողը մեզ առատ բերք ու բարիք տա. մենք էլ խնամենք ու ամենուր ծաղկեցնենք։
Թող երկինքը անամպ լինի, արևը վառ, անձրևը մաքրող ու հողը սնուցող. մենք էլ մեր հավատը չկորցնենք ու չմոռանանք վերև նայել։ Թող մեր սահմանները անառիկ լինեն, ամեն մի զինվոր մի Սասնա Դավիթ, ու ամեն մի կտոր հող Սասնա Բերդ լինի. մենք էլ ապրենք արդար ու արարենք բարիք հանուն մեր ընտանիքի, հանուն հարևանի, բարեկամի , մեր երկրի բարօրության` մեզ համար։
Թող ներել սովորենք, թող շատ սիրենք, ուրախանանք ուրիշի հաջողությամբ, կիսենք ուրիշի վիշտն ու մենակին միշտ ընկեր դառնանք։ Սովորենք Շնորհակալ լինել ու շնորհաշատ դառնալ։ Թող մեր ներքին լույսը օր օրի շատանա, թող այդ լույսից ջերմանան մեր շուրջ գտնվող բոլոր այն մարդիկ, ովքեր մոլորվել են խավարում։ Թող մեր դուռն ու սեղանը բաց լինի միշտ հյուրի համար, ժամանակը դանդաղ հոսի` կյանքում ամեն ինչ հասցնելու համար։
Թող ժպտալու, ուրախանալու, հիանալու ու հրաշքներին հավատալու շատ ու շատ առիթներ ունենանք...
Բարի ու խաղաղ գիշեր բոլորիս...
Следующая публикация
Комментарии 1