Предыдущая публикация
Ամեն հայի մեջ հազարն է խեղդվել,
Գաղթել հեռուներ` «Նարեկը» ձեռքին։
Ամեն հայի մեջ հազարն է երդվել,
Հազար կարոտո՛վ կապվել հայ երգին:
Ամեն հայի մեջ՝ Նժդեհ, Անդրանիկ,
Ադանա, Սասուն, Վան ու Բայազետ…
Ամեն հայի մեջ սե՜ր կա անտարիք,
Որն աշխարհին է ընծայվել հավե՛տ:
Ամեն հայի մեջ «Հա՜յր մեր» է դաջված,
Ի ծնե՝ հավա՛տք, պայքարնե՛ր ու վե՛ճ։
Ամեն հայի մեջ Հիսուս կա խաչվա՛ծ,
Ու մի Հայաստա՛ն՝ ամեն հայի մեջ:
_________
Պ. Հոկտանյան
Следующая публикация
Нет комментариев