Предыдущая публикация
Шамъро гуфтам, ки як шаб сӯз бо ман, гиря кард,
Гуфтамаш гулхандае афрӯз бо ман, гиря кард.
Гуфтамаш, нолон машав, аз нола ман нолонтарам,
Шеваи шодон шудан омуз бо ман, гиря кард.
Гуфтамаш, як лолаи наврӯз ҳамранги ту буд,
Гуфт, оре, лолаи наврӯз бо ман гиря кард.
Гуфтамаш танҳотарин танҳо туӣ, гуфто, чаро,
Ҳар куҷое буд як худсӯз, бо ман гиря кард.
Гуфтам, аз хомӯшгуфтанҳои ту фарёдҳо,
Як нафас фарёд ҳам андуз бо ман, гиря кард…
Гуфтамаш, имшаб ба ҳолат Озарахше ханда зад,
Гуфт он хандоннамо то рӯз бо ман гиря кард…
Озарахш
Следующая публикация
Нет комментариев