Предыдущая публикация
Зоғро ҳамтои булбул мекунад гоҳе, маранҷ!
Вижагиҳои замон имрӯз ин сон аст, вой,
Аспи тозиро чу хар ҷул мекунад гоҳе, маранҷ!
Дар замони фитна қадри одамӣ бисёр паст,
Одамиро пайса маҳлул мекунад гоҳе, маранҷ!
Ишқ ҳам он қадр пурқудраттар аз одам шудаст,
Сад саре қурбони кокул мекунад гоҳе, маранҷ!
Бевафо дунё бигуем, бевафотар одам аст,
Маргро нодида маъқул мекунад гоҳе, маранҷ!
Ҳотамӣ, бо ҷайби холӣ кай кӣ дорад эътибор?!
Ҳалли мушкилро фақат пул мекунад гоҳе, маранҷ!
Ғайратҷон Ҳотамӣ
Присоединяйтесь к ОК, чтобы подписаться на группу и комментировать публикации.
Нет комментариев