Үөдэйдэр кулууп, суол, эдэр специалистарга олорор дьиэ тутууларын туруорустулар.

Амбулатория, оскуола, баржа капитальнай өрөмүөннэрэ хаһан ыыттыллалларын ыйыттылар. Социальнай гаастааһын салгыы барарын, сотовай сибээс хаһан тупсарын туһунан ыйытыы биэрдилэр.
Нам улууһа сүрүн дьарыга – тыа хаһаайыстыбата, онон 100 төбөлөөх «Сайдыы» ТХПК-ны сайыннарыыга көмө наадатын тоһоҕолоон эттилэр. «Хаарбах уонна саахалланар туруктаах дьиэлэртэн дьону көһөрүү» республикатааҕы аадырыстаммыт программаны салгыы ыытыыны, балыыһаҕа стытар стационар наадатын, күөллэргэ нүөлсүтүү үлэтин ыытыыны о.д.а. эттилэр.
Манна улуус депутатыгар «Биир ньыгыл Россия» партияттан кандидатынан туруммут Семен Ядреев тэҥҥэ сылдьыһан, биир дойдулаахтарын эппит туруорсууларын болҕомтоҕо ылла. Үөдэйдэр барыбыт кандидатурабытын өйүүллэрин, быыбарга баран куоластыахпыт диэн санааларын үллэһиннилэр.