Убаастабыллаах Нам улууһун дьиэ кэргэттэрэ!

Эһигини барыгытын Нам улууһун дьаһалтатын уонна тус бэйэм ааппыттан дойду үрдүнэн Дьиэ кэргэн, таптал уонна бэриниилээх буолуу күнүнэн итиитик-истиҥник эҕэрдэлиибин!
Дьиэ кэргэн – таптал, үтүө санаа уонна кыһамньы биһигэ. Бигэ туруктаах, дьоллоох дьиэ кэргэн модун уонна дьоллоох дойду бөҕө тирэҕинэн буолар. Ол иһин дойдубутугар дьиэ кэргэни өйөөһүҥҥэ, оҕо төрөөһүнүгэр, дьиэ кэргэн олоҕун уйгутун тупсарыыга улахан болҕомто ууруллар.
Республикабытыгар дьиэ кэргэҥҥэ туһуламмыт судаарыстыба өйөбүлэ кэҥиир. Ол курдук, иккис уонна үһүс оҕо төрөөтөҕүнэ ийэ (дьиэ кэргэн) регионнааҕы хапытаала бэриллэр, элбэх оҕолоох ыаллары чиэстиибит уонна өйүүбүт, кыра дохуоттаах дьиэ кэргэттэргэ өйөбүл оҥоробут. Былырыыҥҥыттан саҥа төрөөбүт оҕолоох ыалга «Үйэ оҕото» тус сыаллаах хапытаал олохтоммута. Нам улууһугар 2021 сылтан үбүлүөйдээх дьиэ кэргэттэри биир кэмнээх харчынан чиэстиир үтүө үгэс олохсуйда.
Күндү Нам улууһун дьиэ кэргэттэрэ! Эһиэхэ дьолу уонна чэгиэн туругу, тапталы уонна бэриниилээх буолууну баҕарабын! Дьиэ кэргэҥҥитигэр өрүү сылаас сыһыан, үтүөҕэ дьулуһуу арыалластын, чугастык саныыр, таптыыр, мэлдьи күүтэр дьонноох дьиэҕит сырдыгынан сыдьаайдын!