Убаастабыллаах Нам улууһун олохтоохторо!

Эһигини «Нам улууһа» муниципальнай тэриллии уонна тус бэйэм ааппыттан Саха Республикатын Күнүнэн итиитик-истиҥник эҕэрдэлиибин!
Саха сирин государственноһа Нам улууһуттан саҕаламмытынан биһиги киэн туттабыт. Өссө 17-с үйэҕэ Мымах тойон уһуну-киэҥи, үйэлээҕи өйдөөн, кэлии нууччалары кытта эйэ-дэмнээх буоларга дьулуһуутун көрдөрбүтэ. Саха сирэ нуучча судаарыстыбатыгар холбоһуутугар Нам улууһа Мымах тойон салалтатынан, кини мындыр өйүнэн маҥнайгы остуруогу тутталларыгар сирдэрин-уоттарын көҥүллээбиттэрэ.